Wednesday, March 15, 2017

ANIMAL CARE PROGRAM TI LGU-CABUGAO, NAREGGET

Cabugao, Ilocos Sur – Naregta ita a maiyimplimentar dagiti aktibidades ken programa ti  Municipal Livestock Office – DA LGU Cabugao nga idauluan ni Dr. Melvin G. Castro, DVM   babaen iti nasaknap a pannakaangay ti Anti-Rabies Campaign (injection ti anti-rabies kadagiti  household  pets a kas iti aso ken pusa) a nayeskediul iti tunggal barangay kasta metten iti pannakaasikaso dagiti large cattle a kas iti nuang ken baka  a pakaseknan iti panagmarka (Branding); pannakaited ti Vitamin Supplementation; Deworming ken Vaccination.

Iti sabali a bangir, imbatad ti Doktor iti Municipal Health Office a manmano ti insidente iti madangdangran iti pannakakagat ti aso iti Munisipalidad gapu ta aktibo ti pannakaipakat ti anti-rabies kadagiti domesticated pets.

Malaksid kadagiti nayeskediul a trabaho ni Dr. Castro, isamsamirana pay a sarungkaran dagiti klientena nga agayab kenkuana nga agagas  iti masakit  a dinguen ken iti panagbakuna uray iti aldaw ti Sabado ken ti Domingo.

Ti nasaknap a pannakataming dagiti dinguen  ket komkomplementaran ti LGU- Cabugao  nga idauluan ni Mayor Josh  Edward S. Cobangbang babaen iti agtultuloy a suporta iti programa ti Municipal Livestock Office a  nga  “Animal Care Program”.

Dagitoy nga aksion ken inisiatiba ket gubuay  iti napintek ken agtultuloy a  programa ti LGU-Cabugao iti livestock industry iti  babaen ti liderato ni Mayor Josh Edward S. Cobangbang tapno masustener ti pannakataming dagiti dinguen ken livestock iti Munisipalidad a katulongan ti panagbiag dagiti mannalon. # (Web In-Action)

No comments:

Post a Comment