Wednesday, March 22, 2017

MR. & MS. CNCS 2017 CORONATION RITES, NAANGAY

Cabugao, Ilocos Sur – Naangay ti Coronation Rites ti Mr. & Ms. Cabugao North Central School (CNCS) 2017  iti malem ti Marso 21, 2017 iti Cabugao Cultural and Sports Complex, Brgy. Rizal, Cabugao, Ilocos Sur babaen iti Tema: “CNCS Sustains Continuous Improvement Through Partnership”.

Linuktan ni Mr. Nereo Lopez, PTA President ti programa ket kimmablaaw para iti amin a nakipaset kadaytoy nga aktibidad  ken dagiti opisiales  ti Gobierno Munisipal  a kankanayon a ka-danggay dagiti dadaulo  ti eskuela ken nagannak iti aniaman a gannuat a para iti pagsayaatan  dagiti agad-adal.


Daytoy nga aktibidad ket kulminasion ti Popularity Contest nga inangay ti nasao a pagadalan a nagbuligan dagiti mangisursuro ken nagannak/agay-aywan ti ubbing.

Insaad  da  Vice Mayor DJ Savellano  ken ni  Dr. Consesa T. Rumias, Public Schools District Supervisor ti korona da Mr. & Ms. CNCS  2017  nga isuda Miss CNCS 2017   Leah Jean  1st ken ni Mr. CNCS 2016 Alden 1st. 

Nangipaay ti Mensahe ni Vice Mayor DJ Savellano. 
Naiballaet a naipabuya dagiti Intermission Numbers ken Tribute to the Royal Court nga impaay dagiti agad-adal iti Grade Level kabayatan   ti pannakaited ti Sash, Coronet, Trophy ken Corsage dagiti agparis  a Prinsipe ken Prinsesa iti 1st agingga iti 6th babaen kadagiti napusgan a mangiyawat. 

Kasta metten ti pannakaited iti Sashes ken Corsage kadagiti agasmang a Prinsesa ken Prinsipe manipud 7th Place agingga iti 20th Place babaen kadagiti natudingan a mangited kadagitoy. 
ken ni

Nagsarita met ni Dr. Consesa T. Rumias, Public Schools District Supervisor a nagatendar iti Coronation Rites. 

Iti pannakaserra ti Programa, nagyaman ni Mrs. Estrelita M. Siruno, Principal II, CNCS  iti amin a timmabuno ken adda akemna iti panagballigi daytoy nga okasion iti pagadalanda. 


Nagatendar iti Coronation Rites da SBM Vicky S. Serna; SBM Atty. Randy Baniaga G. Kinaud; ABC President Thaddeus U. Soller; SBM  Jayhan Charisma Alcid-Tan; Mrs. Estrellita M. Siruno, Principal II, CNCS;   Ret. District Supervisors Rudy S. Vallejo ken ni Remigio Sunico; Cabugao OIC Fire Marshal Elmer C. Acapuyan; MLGO Officer Constancia L. Quinola; SB Secretary Maxfel S. Suboc; Dr. Remedios Navarro; Mrs. Rosario Corazon Abara; Mrs. Estrellita Siruno; Ex-PTA President Armando Azcueta ken ni  Ret. Teacher Mrs. Dinia S. Azcueta; Dr. Ruel Sunio; Dr. Ivy C. Bello; Dr. Artemio Seatriz; Mrs. Lorna D. Salom  ken dadduma pay a naawis a Bisita. 

Nagpaay nga Emcee da Mrs. May Joy S. Ranches; Mrs. Agnes S. Balisacan ken ni Mr. Nemesio R. Soller.  # (Web In-Action) 

No comments:

Post a Comment