Cabugao, Ilocos Sur - Ti Municipal Government ti Cabugao, Ilocos Sur nga idauluan ni Mayor Josh Edward S. Cobangbang babaen iti implementing arm-na iti Municipal Disaster Risk Reduction Management Council (MDRRMC) nga imatonan ni LDRRM Officer Engr. Nestor B. Somera ket nangigannuat ti earthquake drill kadagiti pageskuelaan-sekundaria iti Sisim National High School; Pug-os NHS ken iti Cabugao NHS (Turod) idi Hunio 21, 2018.
Babaen iti uni ti alarma, dagiti estudiante ken agad-adal kadagiti nadakamat a pagadalan kas panagsaganadda ket naikkanda iti pammilin a rummuarda kadagiti kuartoda ket simmaruno a nagtignay dagiti kameng ti search and rescue personnel operation team a buklen dagiti kameng ti Cabugao Rescue a mangbukel ti MDRRMC a nagturong kadagiti kuarto a pangkitaanda kadagiti nagakem a biktima iti ginggined.
Tinulongan dagiti kameng ti Cabugao Municipal Police Station ken iti Bureau of Fire Protection (BFP)-Cabugao nga idauluan da PSI Rodel C. Del Castillo, OIC ken ni Senior Inspector Cesar M. Ragasa kas panagsaganadda ken kasta metten a tinaming dagiti kameng ti Medics nga ibagian dagiti Personnel iti RHU-Cabugao dagiti natakuatan/nairuar a biktima ket naipanda iti Stage Area ken iti Incident Command Post. Napakatan iti First Aid dagiti biktima.
Kabayatanna, ti ceremonial venue iti national drill ket naangay idiay Brgy. Sta. Ana, San Mateo, Rizal.
Naipaganetget iti sapasap iti pannakipasetda iti information drive a masasao a “Bida ang Handa Campaign” babaen iti panangiyuna iti Office of Civil Defense (OCD) itatta a Tawen 2018.
Ti “#BidaAngHanda” ket opisial a “hashtag” ita a tawen ti 2018 iti 2nd Quarter National Simultaneous Earthquake Drill (NSED).
Naballigi ken natunos dagiti estudiante ken agad-adal agraman dagiti mangisursuro kadagitoy a pageskuelaan a nakikaysa kadagiti nangipatungpal iti earthquake drill iti Munisipio ti Cabugao. # (Web In-Action)
No comments:
Post a Comment