Cabugao, Ilocos Sur – Naaramid ti Turn-over/Awarding dagiti Fishery Projects a nagatendaran dagiti Opisiales ti LGU-Cabugao iti panangidaulo ni Mayor Josh Edward S. Cobangbang ken dagiti Fisherfolks iti Coastal Barangays ti ili a Cabugao, Ilocos Sur nga idauluan ni Former Brgy. Captain Danny S. Garcia, MFARMC Chairman ket naangay ti turnover iti sango ti Cabugao Cultural and Sports Complex, Barangay Rizal, Cabugao, Ilocos Sur idi Hunio 6, 2018.
Sakbayna, naaramid ti Awarding dagitoy a ramit (BFAR Intervention Projects) iti benneg ti Probinsial idiay Vigan City, Ilocos Sur iti dayta met la a petsa.
Nagyaman ni Mayor Josh Edward S. Cobangbang ta simmangpet manen dagiti nagkaadu a proyekto a pakaisagutan dagiti agkalkalap.
Dagitoy a naited a proyekto ket bunga iti nairut a “partnership” ti LGU-Cabugao iti Ahensia ti BFAR ken iti dadduma a sanga ti Gobierno.
Pinagyamanan met ni Former Brgy. Captain Danny S. Garcia kadagiti nagun-odda a ramit-pagkalap babaen iti panangilungalong ti Gobierno Munisipal nga idauluan ni Mayor Josh Edward S. Cobangbang.
Binigbig met ni Former Brgy. Captain Garcia iti kinamannakitinnulong dagiti padana nga Opisiales ti Asosasion iti mangngalap isu a sumangbay dagiti kakastoy a dadakkel a proyekto nga ited ti BFAR.
Buklen dagiti naited a ramit iti 100 Units Multiple Handline; 37 Units Hook and Line; 18 Units Gillnet; 7 Units Sea Urchin Culture Cages ken 3 Units Fish Sanctuary Solar Blinker.
Nakikaysa met ni Mr. Nereo S. Daproza, AT, Municipal Fisheries Coordinator. # (Web In-Action)
No comments:
Post a Comment