Cabugao,, Ilocos Sur - Naangay ti miting dagiti Opisiales/Kameng ti New Cabugao Onion and Garlic Growers Association nga idauluan ni Mr. Henry B. Saliganan idi Mayo 30, 2018 ditoy ili a Cabugao, Ilocos Sur.
Kangrunaan a napagpapatangan ditoy iti panangpasublida iti nasublatda a puonanda iti panagmulada ken nataming ti dadduma a pakaseknanda a kas iti pinansial; aktibidad ken kasasaadda ita a Tawen 2018.
Naballigi pay a trinatarda dagiti dadduma a pakaseknanda iti uneg ti asosasion-da a pangpatibker ti gimongda.
Innayon ni Mr. Saliganan nga iti pannakimitingda ken ni MAO Robert Savella sakbayna idiay Kapitolio ket mangnamnamada ita ti tulong nga ganagan kadagiti mula dagiti Onion and Garlic Growers iti Ilocos Sur; maipatungpal iti pannakapili dagiti nakalidad a bin-i ken iti napintas a pannakailako iti produksion kadagitoy a mulmula.
Dagiti Opisiales ti New Cabugao Onion and Garlic Association ti ili:
President – Henry Saliganan; Vice President – Wenceslao Soto; Virginia Seatriz, Secretary; Melinda Aquino, Assistant Secretary; Treasurer –Renato Federico; Assistant Treasurer - Ernie Silario; Auditor – Emigio Saribay; Business Manager – Aurelio Tabil ken Renato Sapla.
Ti Asosasion ket buklen dagiti agmulmula kadagitoy a cash crops a masarakan ida iti Brgy. Pug-os, Salapasap, Dardarat, Namruangan, Daclapan, Sabang, Salomague, Alina-ay, Turod ken Baclig.
Agmiting ti Asosasion iti tunggal maudi a Miyerkoles iti kada bulan. # (Web In-Action)
No comments:
Post a Comment