Cabugao, Ilocos Sur – Nakikaysa ti LGU-Cabugao iti liderato ni Mayor Josh Edward S. Cobangbang iti pannakaselebrar ti 120 th Philippine Independence Day iti intero a pagilian iti aldaw ti Hunio 12, 2018 babaen iti Tema: “Kalayaan 2018: Pagbabagong Ipinaglaban, Alay sa Masaganang Kinabukasan.”.
Naangay ti Flag Raising Ceremony iti sango ti Rizal Barangay Hall a nagpartisiparan ti pakabuklan iti amin a Departamento/Section ti LGU-Cabugao ken dagiti Empleadosna a pakairamanan metten dagiti kameng ti Municipal Police Station ken Bureau of Fire Protection (BFP)-Cabugao”.
Nangipaay ti Mensahena ni Mayor Josh Edward. Kimmablaaw ken nagyaman iti napintas a partisipasion ti Pamilia-LGU ken dagiti kailianna iti obserbasion iti selebrasion ti panagwaywayas ti pagilian. Bininsana ti pateg iti panagwayas ken iti pananglagip ken panangpadayaw kadagiti sakripisio dagiti bannuar ti pagilian.
Kalpasan itoy, naaramid ti wreath laying wenno floral offering iti Monumento da Dr. Jose P. Rizal; General Eustaquio S. Baclig; General Antonio Luna iti sango ti Simbaan Katoliko; sa naisaganad iti Monumento ni Andres Bonifacio iti Barangay Bonifacio ken iti Monumento ni nag-Presidente Manuel L. Quezon idiay Plaza ti Barangay Hall, Barangay Quezon.
Indauluan ni Mayor Josh Edward dagiti Opisiales ti ili nga isuda SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; SBM Atty. Jett Bryan S. Pano; SBM Josefina S. Vallejo agraman dagiti Department/Section Heads a nangbayabay iti Ama ti Ili a nagturong kadagiti disso ti Monumento dagiti nadakamat a bannuar.
Naballigi ti pannakaselebrar ti Independence Day 2018 babaen iti panagkakammayet dagiti nadakamat nga Ahensia ti Gobierno. # (Web In-Action)
No comments:
Post a Comment