Cabugao, Ilocos Sur – Naangay ti miting ti Municipal Development Council (MDC) nga idauluan ni Mayor Josh Edward S. Cobangbang iti ili a Cabugao, Ilocos Sur para iti 1st Half CY 2018 Municipal Development Council Meeting iti Hunio 6, 2018 iti Cabugao Cultural and Sports Complex, Brgy. Rizal, Cabugao, Ilocos Sur.
Nagatendar dagiti Kapitanes ti Barangay, pannakabagi dagiti NGOs ken dadduma a sektor ti kagimongan.
Nag-Preside ditoy a miting ni MPDC ken Budget Officer Florante S. Jara. Nagatendar met da Former SBM Benedict M. Savellano ken ni Mr. Tirso Savellano a pannakabagi ni Congressman DV Savellano.
Linuktan ni MPDC Florante S. Jara ti miting babaen iti panangibinsana ti akem ti MDC ken dagiti aktibidades a pagsayaatan ti sapasap iti Munisipalidad para iti napalabas a Tawen 2017 ken iti Tawen 2018.
Naikkan ti gundaway a nangibinsa kadagiti nalpas ken maaramid a proyekto iti tunggal barangay ti Engineering Department babaen ken ni Municipal Engineer Crescencio Marcos C. Formoso. Simmaganad ti Health Department nga trinatar ni Dr. Mark-Lawrence T. Tirao, agak-akem a Municipal Health Officer dagiti gapuanan ti RHU. Pakaseknan met iti Social Services ti tinaming ni Mrs. Leonora G. Reintar, MSWDO Assistant ti LGU-Cabugao.
Nagreport met ti DPWH District Assistant Engineer maipapan kadagiti nalpas, agdama ken maaramid a proyekto iti masakupan ti Munisipalidad; pakaseknan iti proyektoda iti Regreening Program agraman iti Free Patent ti dagdaga iti imbinsabinsa ti CENRO Officer iti DENR. Nagsarita met ti OIC iti MLGO ti LGU-Cabugao iti maipapan iti masakupan ti opisinana.
Naisaganad a naikkan ti gundaway dagiti pannakabagi ti tunggal sektor a nangyebkas iti pakaseknan ti itaktakderanda a hanay ken kasta metten dagiti kalikagumda a mapatgan babaen iti Open Forum.
Nagtitinnulong dagiti maseknan nga Opisiales nga idauluan da Mayor Josh Edward S. Cobangbang ken ni MPDC/Budget Officer Florante S. Jara a nangted iti maikanatad a sungbat iti naidatag a pakaseknan ken kalikagum iti sektor ken barangay.
Nataming dagiti dadduma pay a pakaseknan a naidatag ket naigunamgunam a kasapulan ti panagkaykaysa dagiti sektor tapno maileppasda dagiti maigannuat a plano ken proyekto iti mayataday a panawen. # (Web In-Action)
No comments:
Post a Comment