Cabugao, Ilocos Sur – Naangay manen ti tallo nga aldaw (Setiembre 5-7, 2018) a Training-Seminar a napauluan: “Barangay Newly Elected Officials (BNEO) for Grassroots Renewal and Empowerment for Accountable and Transparent (GREAT) Barangays Orientation Program iti 2nd Batch a Barangay Officials a pakaibilangan ti Brgys. Cuancabal; Cuantacla; Daclapan; Dardarat; Lipit; Maradodon; Marga-ay; Nagsantaan; Nagsincaoan ken ti Namruangan.
Naangay ti seminar idiay Carylle’s Garden, Barangay Rizal, Cabugao, Ilocos Sur iti tallo nga aldaw ket nangrugi idi Agosto 5, 2018.
Tarawidwidan ni Ms. Constancia “Connie” L. Quinola, LGOO V ken MLG Officer ti ili a Cabugao ken kaduana nga aglektiur dagiti padana nga MLG Officer a taga-sabali nga ili.
Babaen iti daytoy a maaramid a panagsanay ket manamnama a makapagserbida dagiti baro nga opisiales ken nabutosan manen a Punong Barangay, Barangay Kagawad, Barangay Secretary ken Barangay Treasurer kadagiti 33 a Barangay iti intero a Munisipalidad ti Cabugao nga epektibo ken napudno kadagiti pagrebbenganda. # (Web In-Action)
No comments:
Post a Comment