Cabugao, Ilocos Sur – Naangay ti Pay-out wenno pannakaited ti gatad iti Unconditional Cash Transfer (UCT) kadagiti 2nd Batch Beneficiaries (regular social pensioners) a kameng ti Senior Citizens ti ili a Cabugao, Ilocos Sur idi Setiembre 22, 2018 (Sabado).
Naangay ti Pay-out iti pasdek ti Cabugao Cultural and Sports Complex, Barangay Rizal, Cabugao, Ilocos Sur.
Indauluan ni Miss Teresita Maximina “Mimie” S. Sison, agak-akem a mangidaulo ti Municipal Social Welfare Development Office ken tinulongan dagiti kakaduana a nangtarabay kadagiti Pay-out Team ken kadagiti nataengan nga immay nangala iti mabatayanda a gatad (P2,400 ti maysa a recipient) ditoy Cabugao Sports Complex.
Ti unconditional cash transfer program ti DSWD ket nairanta nga awaten dagiti indigent senior citizens a kas parte iti pannakapalag-an iti kabibiagda manipud iti epekto ti tax reform law wenno pannakaipakat ti masasao a Tax Reform for Acceleration and Inclusion or TRAIN Law nga ipatpatungpal ti Gobierno Nasional. # (Web In-Action)
No comments:
Post a Comment