Wednesday, September 5, 2018

TRAINING TI BRGY. OFFICIALS, NAANGAY

Cabugao, Ilocos Sur – Naangay ti tallo nga aldaw (Agosto  29-31, 2018)  a Training-Seminar a napauluan: “Barangay Newly Elected Officials (BNEO) for Grassroots Renewal and Empowerment for Accountable and Transparent (GREAT) Barangays Orientation Program kadagiti First Batch a  Barangay Officials iti Brgys. Alina-ay; Aragan; Arnap; Baclig; Bato; Bonifacio; Bungro; Cacadiran; Cael-layan; Carusipan ken Catucdaan.

Naangay ti seminar idiay Carylle’s Garden, Barangay Rizal, Cabugao, Ilocos Sur.

Tinarawidwidan ni Ms. Constancia “Connie” L. Quinola, LGOO V ken  MLG Officer  ti ili a Cabugao ken kaduana a naglektiur dagiti padana nga MLG Officer nga isuda Elmer Advincula; Racquel Lalina ken maysa pay nga MLG Officer a taga-sabali nga ili.

Babaen iti daytoy a maaramid  a  panagsanay ket manamnama a makapagserbida  dagiti baro nga opisiales ken nabutosan manen a Punong Barangay, Barangay Kagawad, Barangay Secretary ken Barangay Treasurer kadagiti 33 a Barangay iti intero a Munisipalidad ti Cabugao nga epektibo ken napudno kadagiti pagrebbenganda. # (Web In-Action)

No comments:

Post a Comment