Cabugao, Ilocos Sur – Naangay ti Awarding/Turn-over dagiti Farm Machineries/Implements kas iti Rice Threshers (maited iti Asosasion ken ti Barangay) with motor engine; 6 Units Combined Harvester; Brush Cutter; Hybrid Rice Seeds; Vegetable Seeds kadagiti Opisiales/Opisiales ti Farmers Associations ken kameng ti Barangay Council kadagiti barangay ti ili a Cabugao, Ilocos Sur nga inimatangan dagiti nagatendar ken dagiti LGU Personnel a timmulong idiay Cabugao Cultural and Sports Complex, Barangay Rizal, Cabugao, Ilocos Sur iti Setiembre 25, 2018.
 |
| CLICK HERE TO VIEW MORE PHOTOS |
Imbatad ti LGU-Cabugao a dagitoy a maited a ramit ken kasapulan ket nagtaud iti pundo a nausar iti RA 7171 a mabiangan ti Munisipio ken dagitoy ti pakabuklan ti immuna a listaan a napagpapatangan maibasar iti kasapulan dagiti mannalon ken barangay ken napagnunumuan iti miting a naangay kadagiti mannalon ken barangay sakbayna.
Nakikaysa da Mayor Josh Edward S. Cobangbang ken dagiti kameng ti Sangguniang Bayan nga isuda SBM Atty. Randy Baniaga G. Kinaud, Committee Chairman on Agriculture; SBM Danny Q. Gazmen; SBM Vicky S. Serna; SBM Josefina S. Vallejo kasta metten ken ni ABC President Thaddeus “Teddy” U. Soller ket binayabayda ni Mayor Josh Edward a nangiyallawat kadagitoy a ramit ken kasapulan ti agrikultura kadagiti maseknan nga umawat.
Sakbayna, naangay ti ababa a programa ti Awarding/Turnover nga inatendaran dagiti kameng ti Asosasion agraman dagiti Opisiales ti ili ken kameng iti Konseho ti Barangay ken Kapitanes a nagatendar.
Nagsarita ni Mayor Josh Edward S. Cobangbang ket kinunana nga adda a siimatang dagi kameng ti Konseho ti Barangay a katinnarabay dagiti Asosasion ti mannalon a mangmanehar ken mangmantener kadagiti naited a makinaria ken kasapulan ti panagtalon. Kunana a daytoy a nausar a pundo ket maigapu iti tao ket mausar iti husto ken kinapudno ket dinakamatna iti agtultuloy koma a panagtutunos ken panagtitinnulong iti nadakamat a sektor a mangsagrap kadagiti maited a pagimbagan ken mangnamnama kadagiti sumarsaruno pay a maited a pagsayaatan ken kasapulan dagiti umili.
Binigbig ni Mayor Josh Edward ti akem ni dati nga Ilocos Sur Governor Luis “Chavit” Singson nga akin-Autor iti RA 7171 a naggapuan dagitoy a tulong ken iti agtultuloy a pannakinaming da Governor Ryan Luis V. Singson ken ni Former Congressman Ronald V. Singson iti pannakaipagteng kadagiti tulong kadagiti mannalon ken barangay ditoy nga ili.
 |
| CLICK HERE TO VIEW MORE PHOTOS |
Nagsarita met da SBM Randy Baniaga G. Kinaud; ABC President Thaddeus “Teddy” U. Soller; Municipal Agriculturist Robert S. Savella ken ni Farmers Federated President Modesto P. Ronque.
Panagyaman, pannakidanggay iti pagdur-asan iti agkakabarangayan ken grupo dagiti mannalon iti maawatda a pagimbagan iti anag ti panagsarita dagiti nadakamat nga Opisiales. Impaganetgetda pay iti umisu koma a pannakataripato dagitoy a maited a ramit tapno mabayag iti usarna ken produktibo dagiti mangusar kadagitoy. Innayonda pay a pakpakauna la dagitoy a maited a naibasar iti immuna a listaan ti kasapulan ken nakiddaw ket dagiti sumarsaruno a maited ket nakabasar latta iti listaan a kasapulan pay iti biang ken aggapu kadagiti mannalon ken iti Opisiales iti barangay.
Naisaganad iti Blessing dagiti Farm Machineries and Implement babaen iti panangannong ni Rev. Fr. Rene Leo Rosabia, Parish Priest ti Cabugao Catholic Church. Kalpasanna, naaramid ti group picture ken panagmiting dagiti Opisiales ti Barangay ken Asosasion ti mannalon tapno mapagpapatanganda iti mayat a wagas iti pannakaibunong iti hybrid rice seeds (para iti 2nd Crop) ken iti vegetable seeds para iti umabot ti 4,500 a bilang ti mannalon iti ili a Cabugao, Ilocos Sur.
Nagpaay a Facilitator da Mr. Nathaniel B. Galamgam, Municipal Farmer Coordinator; Mr. Edgar S. Balangatan, AT ken ni Federated Farmers President Modesto P. Ronque iti nadakamat a miting. Timmulong a nakipagtaming iti mapagsasaritaan ni SBM Randy Baniaga G. Kinaud.
Nagatendar pay dagiti kameng ti Broadcast Media tapno imatanganda ken makaalada iti padamagda iti nadakamat a turnover.
Nagpaay nga Emcee ni__HRM Officer Miss Teresita “Mimie” S. Sison. Nagidaulo ti panglukat nga Ababa a Kararag ni Miss Aida S. Cueto ken timmulong met dagiti Personnel ti Munisipio iti nadakamat nga aktibidad. # (Web In-Action)
No comments:
Post a Comment