Cabugao, Ilocos Sur – Sangsangkamaysa ti Pamilia-LGU Cabugao ken dagiti umili a nangkablaaw iti pannakaselebrar ti panagkasangay ni Mayor Josh Edward S. Cobangbang idi Disiembre 1, 2018.
Kabayatanna, impeksa met ni Mayor Josh Edward iti panagyamanna iti panangkablaaw ti Pamilia-LGU ken dagiti kakailianna iti panagkasangayna.
Kangrunaan a nang-highlights ti panagkasangay ni Mayor Josh Edward ket dagiti sumaganad:
1. Pannakalukat ti “Mayor Josh Palarong Pamasko 2018” ket nairubuat daytoy a paliga iti Cabugao Cultural and Sports Complex. Buklen ti mapagsasalipan iti Basketball; Volleyball iti biang ti Elementaria ken Sekundaria ken dadduma pay nga event a mairaman iti pakontes.
2. Pannakabendision dagiti baro a lugan a naited iti MDRRMC-Cabugao Rescue nga inimatangan dagiti Opisiales ti Ili ken umili nga idauluan ni Mayor Josh Edward S. Cobangbang.
3. Pannakairubuat ti Distribution ti Knapsack Sprayer kadagiti mannalon a makausar kadaytoy a ramit-pang-agrikultura nga ipaay ti LGU-Cabugao.
4. Pakontes ti Mountain Bike Race nga inesponsoran ti LGU-Cabugao; 4-H Club; Cabugao Cycling Club ken ti Barangay Bonifacio.
5. Panangimatang ken pannakipagrambak ti sangkailian iti naaramid a Christmas Villages iti Cabugao Central Park (CCP) a no sadino a ditoy a naidispley dagiti “Inflatables” a pagay-ayaman a nakaray-awan ken nagragsakan dagiti ubbing.
Nakipaset met dagiti nataengan iti Bull Ride ken Sumo Wrestling a nagabakanda iti premio. Adda pay nairanta a pagay-ayaman dagiti ubbing a kas iti Shooting Gallery; Man Maze; Feed the Pig; Captain JC’s Hooks; ken ti Chicken Flight.
6. Lighting of CCP Christmas Tree iti Cabugao Central Park (CCP), Brgy. Bonifacio, Cabugao, Ilocos Sur iti nangipaay iti naisangsangayan a ragsak kadagiti umili a nakaimatang iti pannakasindi iti higante a Christmas Tree a naisaad iti tengnga ti Parke.
Nasangaili iti seremonia ti panagsindi ni Former Congressman Ronald V. Singson a binayabay ni Pasado Mayor Edgardo “Ediboy” S. Cobangbang, Jr. kasta metten ni Mayor Josh Edward ken dagiti Opisiales ti ili ken dagiti Bisitas.
Naitampok iti sakbay ken kalpasan ti seremonia ti panagtokar ti Marching Band ken Drummer iti pageskuelaan ti Barangay Sisim, Cabugao, Ilocos Sur a nangpadaeg ken nangparagsak kadagiti adu a nagbuya iti compound ti CCP.
Nakikaysa dagiti kameng ti Municipal Police Station ken BPATS/Tanod iti pannakamantener ti linak ken talna kabayatan a naaramid dagitoy nga aktibidad. # (Web In-Action)
No comments:
Post a Comment