Cabugao, Ilocos Sur – Nangrugi ti Simbang Gabi ken iti karabiyan ti Disiembre 15 ken Misa Aguinaldo iti Disiembre 16, 2018. Agpatingga daytoy a naindaklan nga aktibidad iti siam a rabii.
Iti Parokia ni San Markos Ebanghelista ti ili a Cabugao, Ilocos Sur, naregta dagiti Papadi a mangan-annong kadagiti Nasantuan a Misa a mainaig iti panangpasungad ken panangselebrar iti panawen ti Paskua 2018 ditoy ili ti Cabugao.
Iti 6:00 PM ti Disiembre 15, 2018, nairugi ti nalatak a “Simbang Gabi” ket naituding iti eskediul a panagsindi ti kandela/agkararag dagiti Deboto kadagiti nadumaduma a sektor ti kagimongan manipud kadagiti barangay ti ili ket maangay iti Simbaan Katoliko iti Poblasion ti nasao a Misa.
Kasaruno daytoy, naangay met ti Misa-Parbangon nangrugi iti Disiembre 16 ket mayeskediul nga aramiden ti 9 a Clusters dagiti deboto iti agsindi iti
kandela/agkararag manipud kadagiti barangay a pagnaedan dagiti Deboto. Maaramid ti nasao a Nasantuan a Misa iti Simbaan Katoliko ditoy Poblasion ti Cabugao.
Iti sabali a bangir, umarngi met laeng ti aramiden dagiti Deboto iti Iglesia Filipina Independiente (IFI Church) iti Barangay Quezon, Cabugao a kas pangipalnaad iti pannakikaysada iti nasaknap a selebrasion iti pannakayanak ti Naindaklan a Mesias.
Maaramidto pay dagiti Misa iti Rambak Kaaldawan Paskua iti Disiembre 24 ken 25 idinto ta Rambak Baro a Tawen inton Disiembre 31 ken inton Enero 1, 2019 .
Kabayatanna, nakaeskediul a maysa ti Local Government Unit (LGU) ti Cabugao a mangesponsor iti Midnight Mass inton Disiembre 24, 2018. #
No comments:
Post a Comment