Cabugao, Ilocos Sur – Naangay ti Christmas Program dagiti Special Kids iti Cabugao, Ilocos Sur iti Cabugao Child Development Center, Barangay Rizal, Cabugao, Ilocos Sur idi Disiembre 12, 2018.
Dagitoy nga ubbing ket naggapu iti The Stimulation and Therapeutic Activity Center (STAC), institusion a pakaisuruan dagiti ubbing nga addaan ti nakayanakan nga an-annayen a naibalay iti mismo a pasdek ti STAC Building, CNCS Compound, Barangay Bonifacio, Cabugao, Ilocos Sur.
Nangiburay ti Mensahena ti Paskua ni MSWD Officer Mrs. Lydia S. Gazmen. Bininsana ti pateg ti panangkibin ken panangsuporta ti LGU-Cabugao iti panangidaulo ni Mayor Josh Edward S. Cobangbang iti STAC-Cabugao tapno matulonganda a tuman-ay dagitoy nga ubbing a mangalay-ay iti agdama a kasasaadda.
Daytoy a selebrasion ket napateg a maaramid tapno maibilangda latta met a makipaset iti nasaknap a pannakaselebrar ti Paskua.
Ti STAC ket matarawidwidan babaen iti salinong ti MSWDO-Cabugao nga idauluan ni Mrs. Lydia S. Gazmen, MSWD Officer. # (Web In-Action)
No comments:
Post a Comment