Cabugao, Ilocos Sur – Naangay ti Monthly Regular Meeting dagiti Opisiales ti Cabugao Federated Farmers Association idi Hunio 4, 2019 iti Cabugao Cultural and Sports Complex, Brgy. Rizal, Cabugao, Ilocos Sur.
Indauluan ni Mr. Modesto P. Ronque, Federated President dagiti nagmiting a Presidente ken nagatendar met ni OIC Municipal Agriculturist Nereo S. Daproza.
Dagiti sumaganad iti tinamingda:
1. Pannakailawlawag ti High Yielding Technology Adoption (HYTA) subsidized rice seeds a maited kadagiti Asosasion ti mannalon para iti Wet Season 2019. Trinatar ni OIC Municipal Agriculturist Nereo S. Daproza ti pannakaipatungpal ti distribution daytoy a bin-i ti pagay ditoy nga ili.
2. Napasingkedan ti agtultuloy ken naannayas nga operasion dagiti asosasion ti mannalon iti 33 a barangay a sakupen ti Pederasion ket mapasayaat pay ti Membership; Financial Status ken Reportorial da iti SEC ken DOLE ken iti pagrebbenganda iti BIR. Inggunamgunam ni Presidente Ronque a masimpa koman iti kabiitan dagitoy nga obligasion ti Asosasion tapno naan-anay a nakasaganada no kasapulan nga adda kiddawen dagiti miembros.
3. Nakikaysa met ni ABC President Thaddeus U. Soller ket nangibinglay ti pammagbaga a kasapulan nga amin a kalikagum dagiti asosasion ket para iti interes iti panagsayaat ti kaaduan a kameng ken kasta metten a nakaysada koma dagiti Asosasion kadagiti Opisiales ti barangayda tapno agballigi dagiti panggepda.
Naballigi pay a napagnanamingan dagiti dadduma nga Agenda ken pakaseknan dagiti mannalon iti pannakaitultuloy ti mitingda agingga a na-adjourn iti 11:45 A.M. # (Web In-Action)
No comments:
Post a Comment