Cabugao, Ilocos Sur – Adda maipatpatungpal ita a programa ti Municipal Agriculture Office ti LGU-Cabugao iti benneg ti panagmulaan.
Daytoy ket napanaganan iti Mechanized Seeding Technology: Improving Crop Productivity and Increasing Income in Rice-based Rainfed and Water Scarce ket maidemonstrar idiay Barangay Bungro ken Barangay Pug-os iti daytoy nga ili babaen iti panangtarabay ti DA-RFO1, PHILRICE, PLGU, MLGU ket naaramid ti pannakaipakita daytoy a Teknolohia kadagiti nadakamat a barangay idi Hunio 11, 2019 babaen iti panangtarabay ni Mr. Obas Bill Y. Baclig, AT, Supervising Technologist.
Iti sabali a bangir, naidemonstrar met ti teknolohia iti Seed Sowing using Seedling Tray for Mechanical Transplanter iti 10 Hectares Hybrid Rice Model Farm idiay Sitio Callaguip, Brgy Baclig idi Hunio 14, 2019. Kadua ni AT Baclig da Mr. Henry Saligananan ken ni Mr. Bert Vicente, agpada nga LFT ken adda pay pannakabagi ti ahensia a mangipaay iti proyekto.
Dagitoy nga aksion ken inisiatiba ket resulta iti napintas ken agtultuloy a pannakikammayet ti Gobierno Lokal nga idauluan ni Mayor Josh Edward S. Cobangbang.
# (Web In-Action)
No comments:
Post a Comment