Cabugao, Ilocos Sur – Babaen iti panangipatungpal ti Opisina ti Human Resource Management Office/Public Employment Service Office (PESO) ti LGU-Cabugao nga imatonan ni HRM Officer Miss Teresita Maximina “Mimie” S. Sison, naorganisar dagiti barangay a masakupan daytoy a programa ti Department of Labor and Employment (DOLE) ditoy nga ili ket naala dagiti TUPAD Workers iti Barangay Turod-Patac; Barangay Sagayaden ken Barangay Pug-os ken mangrugida nga agobra iti Enero 3, 2019.
Daytoy a programa ti Ahensia ti DOLE ken iti LGU ket maysa a community-based short-term employment para kadagiti underemployed ken seasonal workers nga agpaut iti 10 nga aldaw. Daytoy ket akemen pay ti Public Employment Service Office (PESO) iti pannakaipatungpalna. Maikkan ti cleaning paraphernalia dagiti recipients a mapili kadagiti nadakamat a barangay a pakaiyusuatanna.
Monitoren met ni Mr. Edgar S. Balangatan, pannakabagi ti LGU-Cabugao iti panagtrabaho dagiti TUPAD Workers agingga a maileppasda ti nadakamat a maipaaramid a trabahoda. # (Web In-Action)
No comments:
Post a Comment