Cabugao, Ilocos Sur - Naangay ti seminar-workshop dagiti high school ken college students iti nagduduma a pagadalan iti Ilocos Sur kas paset iti makalawas a panagselebrar ti Provincial Government ti Ilocos Sur iti 10th Legislative Awareness Week ket naangay ti nadakamat a seminar iti
Plaza Maestro Convention Center, Vigan City idi Hulio 15, 2019.
Naaramid ti Calesa parade iti Vigan City sa naaramid ti flag-raising rites iti sango ti Provincial Capitol iti panagrugi ti week-long (Hulio 14-19) celebration.
Rambakan ti Provincial Government ti Ilocos Sur ti Legislative Awareness Week (LAW) tapno maisaknap ti pannakaammo dagiti umili nangruna dagiti adda iti lehislatura ti kinapateg ti pannakaputar dagiti lokal a linteg para ti pagsayaatan dagiti siudad, ili ken intero a probinsia ti Ilocos Sur.
Kabayatanna, nagatendar met dagiti lideres ti estudiante kadagiti pageskuelaan ti sekundaria iti ili a Cabugao, Ilocos Sur iti nadakamat a seminar-workshop idi Hulio 15, 2019. Umabot iti 500 a katao ti dagup ti nagatendar iti nasao a panagadal.
Kadua dagiti estudiante a nagadal iti dayta a petsa, Hulio 15 dagiti kameng ti Hunta Probinsial nga idauluan ni Ilocos Sur Vice Governor Jeremias C. Singson. # (Web In-Action)
No comments:
Post a Comment