Cabugao, Ilocos Sur – Kalpasan a maipakpakat dagiti programa ti Opisina ti DA-LGU babaen iti direktiba ti Gobierno Munisipal nga idauluan ni Mayor Edgardo “Ediboy” S. Cobangbang, Jr., agtultuloy a maar-aramid ken mapabaro ti masterlists dagiti mannalon; monitoring iti amin a Rice Transplanted Areas;
Technical Assistance to FFS Learning Field Cooperators ken Technical Briefing on Nutrient Management ken Leaf Color Chart (LCC) – Reading itinto panagtan-ay ti mula a pagay.
Idauluan da OIC Municipal Agriculturist Nereo S. Daproza; Obas Bill Y. Baclig, Municipal Seed Inspector/Supervising Technologist ken ni Katrene Tapuro, AT iti pannakaasikaso dagiti nadumaduma a demo-farm area ti DA-LGU a sakupen dagiti programa ti agrikultura a maipatpatungpal ditoy nga ili ken isuda dagiti agpaspasiar a Personnel ti DA-LGU kadagiti barangay a makasapul iti pannarabayda .
Dagiti ob-obraen dagiti Field Technician ti Municipal Agriculture Office malaksid iti monitor ken panagbisitada kadagiti barangay a disso iti pagtatalonan ket dagiti sumaganad:
1.Monitoring and Surveillance of Plant and Animal Diseases.
2.Vitamin supplementation and vaccination dagiti dadakkel nga animales no kasapulan.
3.Panagirehistro iti Crop Insurance dagiti nakatalon tatta a Wet Season 2019. Ti Staff ti Municipal Agriculture Office ket isuda ti mangdanon kadagiti mannalon iti barangay ket mapattapatta nga addan 60 porsiente ti naka-insured a mannalon iti Munisipalidad.
Dagitoy nga aksion ken inisiatiba ket paset iti pannakaidur-as ti teknolohia iti panagtalon babaen iti programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno mapatuladan dagiti dadduma a mannalon a mangipamaysa iti sistematiko a panangpatan-ay ti mula a pagay tapno maidur-as ti apit a pagimbagan ti sapasap. # (Web In-Action)
No comments:
Post a Comment