Cabugao, Ilocos Sur – Nairugi ti dua nga aldaw a panagsanay dagiti Trainees a naggapu iti innem a barangay iti ili a Cabugao, Ilocos Sur ket nairugi ti panagsanay idi Hulio 25, 2019 ken nagpatingga iti Hulio 26, 2019. Naangay ti umuna nga aldaw ti panagsanayda iti Cabugao Cultural and Sports Complex, Brgy. Rizal, Cabugao, Ilocos Sur a dinar-ayan dagiti kameng a naggapu iti Barangay Namruangan; Barangay Cael-layan ken Barangay Daclapan. Maikadua nga aldaw a nagsanay dagiti kameng ti 4 Ps ken Listahanan a naggapu iti Brgys. Baclig; Catucdaan ken Salapasap.
Umabot ti 30 a Trainees ti naiprograma nga agpartisipar iti kada barangay kadaytoy a kurso nga igannuat ti Sustainable Livelihood Program (SLP) ti DSWD-RFO 1 ken iti LGU-Cabugao nga idauluan ni Mayor Edgardo “Ediboy” S. Cobangbang, Jr.
Iti nasao a panagrugi ti panagsanay, nagatendar ni Ms. Marilou Torres, SLP-PDO ti SLP-DSWD a mangtartarabay kadaytoy a proyekto ti DSWD ditoy nga ili. Nagpaay a resource person ni Ms. Bernadette Relon, General Manager ti Fatima MPCI, Vigan City.
Dagitoy nga aksion ken inisiatiba ket paset iti pro-poor programs ti LGU-Cabugao nga idauluan ni Mayor Mayor Edgardo “Ediboy” S. Cobangbang, Jr. para kadagiti makasapul iti panggedanna nga umili. # (Web In-Action)
No comments:
Post a Comment