Cabugao, Ilocos Sur - Ti Human Resource Management Office (HRMO) ket maysa a benneg ti Opisina ti Mayor ken masarakan itan ti pagopisinaanda iti Ground Floor ti baro a pasdek ti Munisipio.
Ti LGU Cabugao ket maysa kadagiti “accredited agencies” iti Region I. Dagiti mangidadaulo iti ahensia nga “accredited” ket addaanda iti autoridad nga agaprobar kadagiti “Appointments” ti empleyado a masakupan ti serbisio-publiko. Paglintegan ti CSC nga ipatungpal
dagiti polisia iti akreditasyon nga sakupen ti PRIME HRM tapno mataginayon ti autoridad iti maysa nga Ahensia wenno sanga ti Gobierno nga agaprubar iti appointments. Kanayunan dagiti responsibilidad nga aramiden ti HRM Office iti mangkita iti pannakatungpal dagiti “Indicators” wenno naipaulog a pagbasaran ti CSC.
Kas mangitaktakder iti nadakamat nga Opisina ti LGU-Cabugao, nagatendar ni Miss Teresita Maximina “Mimie” S. Sison, Section Chief, Human Resource Management Office/PESO and MDO Designate ti Local Government Unit (LGU)-Cabugao, Ilocos Sur kadagiti nadumaduma a seminar a mainaig kadaytoy a pagrebbengan ken trabahona kadagiti napalabas a bulan daytoy a tawen:
1.Council of Human Resource Management Practitioners, CHRMP-Ilocos Sur Chapter, 4rth General Assembly Meeting a naaramid idiay SHSC Sapphire Event Center, Poblacion, Galimuyod, Ilocos Sur idi Hulio 7, 2019.
2.OFW Mapping and Database System : Basis for Local Migration and Development Initiatives idiay Calasiao, Pangasinan idi Hunio 24-25, 2019.
Dagitoy a kalkalpas a panagsanay/aktibidad nga inatendaran ni Miss Sison ket parte iti pagrebbenganna a kas Human Resources Management Officer (HRMO)/PESO/MDO ken pannakanayon ken pannakapapintas metten iti panangtarawidwidna iti nasao nga Opisina ti Gobierno Lokal ti ili a Cabugao, Ilocos Sur ken iti pannakatulong pay dagiti kakailiantayo ken karamanan metten dagiti OFWs ken ti pamilyada.
Sakbayna, napadayawan ti HRMO-Cabugao ket dagii sumaganad ti nagun-odna nga awards::
1.Certificate of Recognition nga impaay ti DOLE Region 1 iti PESO-Cabugao, Ilocos Sur babaen ken ni PESO Manager Teresita Maximina S. Sison a kas Best Performing PESO (1st to 2nd Class Municipality) iti implementasion ti DOLE Integrated Livelihoods and Emergency Employment Program (DILEEP), 2017 ken naited ti Pammadayaw idiay Savannah Hotel Resort, Angeles City, Pampanga kabayatan ti Regional PESO Congress 2018 idi Pebrero 27, 2018.
2.Maikadua iti Certificate of Recognition nga impaay ti OWWA-Region 1 iti MDO-Cabugao, Ilocos Sur babaen ken ni MDO Teresita Maximina S. Sison a naited idiay Sison Auditorium, Lingayen, Pangasinan idi Abril 12, 2018. Ni Hon. Gerardo C. Rimorin, OIC, OIC Director ti kangrunaan a nasangaili ken nagiyawat ti Pammadayaw.
Binigbig ti Overseas Workers Welfare Administration (OWWA) iti serbisio ken trabaho nga inaramid ti Migrant Desk Officer ti LGU-Cabugao iti pannakaitandudo ti kasasaad dagiti OFWs ken dagiti Pamiliada.
Ti Public Employment Service Office/Migrant Desk Office ti LGU-Cabugao ket nakalukat nga agserbi ken makikoordinar dagiti maseknan a makasapul iti opisina ti HRMO iti baro a pasdek ti Munisipio iti Cabugao, Ilocos Sur. #
No comments:
Post a Comment