Tuesday, August 20, 2013

AGPUKPUKAWEN TI PUERSA TI DENGUE

Cabugao, Ilocos Sur – Iti pannakiuman ti Web In-Action idi Agosto 19, 2013, impakaammo ni Dr. Bernardino M. De Gracia, Medical Officer III, Municipal Health Office, RHU-Cabugao a bumabbaban ti insidente ti Dengue Fever iti ili a Cabugao, Ilocos Sur.

Innayon ni Dr. De Gracia a resulta daytoy ti all-out campaign ken suporta ti LGU-Cabugao ken ti DOH iti pannakadadael dagiti pagyanan ti dengue virus kas iti open canal, swampy area, ken pannakadalus ti aglawlaw agraman iti pannakatadaw dagiti nabengbeng a sanga ti kayo iti kalsada.


Kanaig daytoy, naiyasidegen  ti pagitedan ti agas iti lamisaan ni Dr. De Gracia iti Doctor’s Office tapno madadaan a dagus a maited ti maireseta nga agas kadagiti pasiente/agparikna kalpasan a maamiris ida ti Doktor  iti tunggal aldaw a papanda iti RHU-Clinic.

Dagitoy nga aksion ken inisiatiba ket gubuay ti naregget a pannakaipatungpal ti programa ti salun-at nga itandudo ti LGU-Cabugao nga idauluan ni Mayor Edgardo “Ediboy” S.  Cobangbang, Jr. tapno mamantener ti napintas a salun-at dagiti umili iti inaldaw-aldaw. # (Web In-Action)

No comments:

Post a Comment