Monday, August 12, 2013

MATH CLASS, MAIKATLO A SABADO ITI PANAGSURSURODA

Cabugao, Ilocos Sur – Saan a panagtaktak ti kaipapanan ti panagsakripisio dagiti nagannak a mapan mangbantay ken mangtarabay kadagiti annakda iti maang-angay a Math Class iti 26 a pageskuelaan ti Cabugao DepED District iti intero a Munisipalidad ita a bulan ti Agosto 2013.

Iti pannakiuman ti Web In-Action idi Agosto 10, 2013, imbatad dagiti kaaduan a nagannak kadagiti napili nga ubbing a naanus a nagbantay iti ruar iti klase a maragragsakanda ta maipamaysa a masanay dagiti annakda iti subject a Math ken manayonan ti panagtalek dagiti ubbing kadagiti bagbagida gapu ta adda pakaidumada ti kabaelan iti kaaduan a kaeskuelaanda.


Kadagiti met ubbing a nairaman kadaytoy a panagsanay ket kayatda met a takuatan ti kabaelanda ken maibilang a parte ti pannakadisiplinada daytoy nga aktibidad nga iwayat ti DepED.

Innayon dagiti mangisursuro a nupay silulukat daytoy a pagenrolan dagiti interesado nga ubbing ken nagannak, maobserbaran  a kaaduan kadagiti nagenrol ken agdama nga agbasbasa ket pagduyosanda ti Matematika ken isuda ti kaaduan a nalaing iti klaseda iti pageskuelaanda. # (Web In-Action)
 

No comments:

Post a Comment