Cabugao, Ilocos Sur – Kaaduan a maparti ti mailaklako a nuang ken baka iti Cabugao Dayo, segun ken ni Mr. Marciano Raciles, Jr., Presidente, Cabugao Livestock Traders Association.
Iti pannaki-amad ti Web in- Action idi Agosto 17, 2013, imbatad ni Mr. Raciles nga uray kadagiti Koridor kadagiti sabali nga ili ket kayatanda ti umay gumatang ti maparti nga ayup iti Cabugao Dayo gapu ta nalukmeg ken nalasbang dagiti tagilako ditoy.
Agtultuloy met ti pannakitinnarabay dagiti pannakabagi ti LGU-Cabugao nga idauluan ni Mr. Dante Naval, Municipal Meat Inspector ken kasta met ni Dr. Melvin Castro, Municipal Livestock Coordinator a mangtartarabay kadagiti ag-dadayo iti kaaldawan ti Sabado.
Impakaammo ni Mr. Naval a dagus a maaksionan dagiti pakaseknan dagiti ag-addayo babaen iti iwayatdda a miting ken pannakisarita kadagiti maseknan a Koridor ken Partidor a kangrunaan a makipaspaset iti aktibidad ti dayo.
Dagitoy nga aksion ken inisiatiba ket resulta ti napintas a panagtitimpuyog dagiti grupo a maimbolbar iti nasayud a pannakapataray ti Operasion ti Cabugao Dayo. # (Web In-Action)
No comments:
Post a Comment