Cabugao, Ilocos Sur – Iti pannakiuman ti Web In-Action idi Agosto 3, 2013, imbatad ni Mr. Marciano Raciles, Presidente, Cabugao Livestock Traders Association nga umab-aboten ti nakurang a dua a gasut a ribu a pisos iti natgedan ti asosasion manipud iti Financial Assistance nga inted ti LGU-Cabugao ken iti Gobierno Probinsial.
Innayon ni Mr. Raciles a seriosoda a mangpaprogreso pay ti Dayo tapno ad-adu ti mabenepisiaran ken benepisio a magun-od dagiti kameng ti asosasion a para iti pamilia ken iti bagida.
Kabayatanna, agtultuloy a nalasbang ken nabun-as dagiti maidayo ken naaktibo dagiti koridor a mangsangal iti traksaksion.
Patinayon met nga uman-andingay dagiti Opisiales ti LGU-Cabugao nga idauluan ni Mayor Edgardo “Ediboy” S. Cobangbang, Jr. # (Web In-Action)
No comments:
Post a Comment