Thursday, August 8, 2013

SARIKEDKED TI KALSADA TI BRGY. BUNGRO, NAARAMID

Cabugao, Ilocos Sur – Iti pannakiuman ti Web In-Action idi Agosto 7, 2013, imbatad ni Brgy. Captain Fermin Sarinas ti Barangay Bungro, Cabugao, Ilocos Sur a ginastosan ti 20% Development Fund ti Barangay Bungro ti na-hollowblock a proteksion ti panagreggaay. Maysa pay a proyekto ti naileppas a daytoy ti stone masonry iti sabali a paset ti kalsada a disso pay  dagiti marmargaay a pasetda tapno saan a mailanlan ken naannayas latta iti panagdaliasat dagiti bumarangay. Ti stone masonry ket impaay met ti LGU-Cabugao nga idauluan ni Mayor Edgardo “Ediboy” S. Cobangbang, Jr.

Innayon ni Brgy. Captain Sarinas a pagyamananna iti LGU-Cabugao iti naibinglayda manen  a proteksion ti kalsada ken agbalin met nga inisiatibada iti Konseho ti Barangay iti na-hollow block a paset ti igid ti kalsada.

Insupusop pay ni Kapitan Sarinas a dagitoy a panagbaliw ket gubuay iti natanipkel a panagkaykaysa dagiti lideres ti barangay ken iti nadigem a pannakikammayyetda iti LGU- Cabugao. # (Web In-Action)

No comments:

Post a Comment