Cabugao, Ilocos Sur – Maangay ti Seminar dagiti Barangay Nutrition Scholars (BNS) iti 33 a Barangay ti Munisipalidad ti Cabugao a mangrugi iti Hunio 22, 2015 agingga iti Hunio 26, 2015 iti Municipal Conference Building, Cabugao, Ilocos Sur.
Napauluan ti seminar iti “Training of Trainers on the Promotion of Good Nutrition”.
Sakbay ti Training Proper ket naangay ti Registration; Opening Program; Getting to know you; Levelling of Expectation and Training Mechanics.
Timmabuno iti seminar ni Mayor Edgardo “Ediboy” S. Cobangbang, Jr. ket kimmablaaw ken nagyaman ta maangay manen ti kakastoy a panagtitipon a mangipaay ti gundaway a mangipangato iti kaammuan ken mangpabaro/mangpatibker iti linnangen iti hanay dagiti BNS.
Kangrunaan a nayadal kadagiti nadakamat a pannakaramay ti Munisipio iti Nutrision iti Day 1 ket dagiti sumaganad:
1.Overview of the Philippine Plan of Action for Nutrition, 2011-2016.
2.Overview of the National Plan of Action on Infant and Young Child Feeding (IYCF) 2011-2016.
3.Presentation Tips.
4.Discussion of session assignment for IYCF Counselling Course Dinner.
Dagitoy nga aksion ken inisiatiba ket maigapu iti agtultuloy a pannakaibayog ti programa ti Nutrision a supsuportaran ti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno mamantener ti salun-at a kakuykuyog iti agtultuloy a progreso ti ili ken iti sapasap nga agnanaed. # (Web In-Action)
No comments:
Post a Comment