Tuesday, June 9, 2015

GRANT-IN AID PROGRAM, 33 A NGA ESTUDIANTE TI NAKAGUN-OD

Cabugao, Ilocos Sur – Umabot ti 30 anga estudiante ti Kolehio nga umili ti Cabugao  iti naikkan ti gundaway a mabenepisiaran iti Expanded Student’s Grant-in Aid Program for Poverty Alleviation (ESGP-PA) a  programa a pagkammayetan  ti DSWD-Region 1  ken ti LGU Cabugao iti  pannakaipatungpal daytoy a programa kadagiti Pantawid Household iti intero a pagilian.


Segun ken ni Ms. Jessie Ann O. Tabut ti Municipal Operations Office (MOO) ti 4 P’s Program, adda 29 nga estudiante a nagenrol (2nd Year) iti University of Northern Philippines (UNP)-Vigan City  ken uppat met iti nagenrol iti Mariano Marcos State University (MMSU)-Batac City  kadaytoy a panagbabasa ti Tawen 2015.

Innayon ni Ms. Tabut a namantener dagiti Grantees dagiti gradoda ket determinado dagiti Estudiante a mangileppas kadagiti kursoda a basaenda  tapno matun-oyan ti panggep daytoy a naindaklan a programa ti Edukasion para iti benneg dagiti nakukurapay a Pamilia.

Dagitoy nga aksion ken inisiatiba ket paset pay laeng iti programa ti Gobierno Munisipal a mangiyagpang iti Sektor ti Edukasion iti Munisipalidad babaen iti pannakikammayet-na  kadagiti Nasional a Programa ti DSWD. # (Web In-Action)

No comments:

Post a Comment