Cabugao, Ilocos Sur – Naipaayan ti LGU-Cabugao iti agduduma ti klasena a Seedlings nga inted ti National Tobacco Administration (NTA)-Batac City a maisangrat a para iti Clean and Green/Reforestation Project ti Munisipio.Segun ken ni MENRO Edgar S. Balangatan, AT, napanda innala dagiti nadakamat a Seedlings idiay NTA-Batac babaen iti serbisio ti lugan ti LGU. Dagiti sumaganad ti nagan dagiti Seedlings ken kaaduda:
1.Neem Tree – 5,000; Madre de Cacao – 1,200; Narra – 500; Golden Shower- 300; Mahogany – 550; Banaba – 150; Taloto – 300; Kariskis – 100; Adaan – 50; Onygeum - 200; ken Pacac – 50.
Dagitoy a Seedlings ket naideposito iti Municipal Plant and Nursery, Brgy. Baclig, Cabugao, Ilocos Sur para iti pannakaasikasona kabayatan a saan pay a naimula.
Dagitoy nga aksion ken inisiatiba ket bunga ti agtultuloy a pannakikammayet ti LGU-Cabugao iti Ahensia ti NTA para iti pannakapaberde ti aglawlaw. # (Web In-Action)
No comments:
Post a Comment