Cabugao, Ilocos Sur – Maaramid ti panagsanay dagiti mannalon ti nateng iti ili a Cabugao, Sinait, ken San Juan Ilocos Sur iti Hunio 3-5, 2015 iti Municipal Conference Building, Cabugao, Ilocos Sur.
Napauluan ti panagsanay iti Training on Good Agricultural Practices (GAP) on Vegetables a nagbuligan ti LGU-Cabugao nga idauluan ni Mayor Edgardo “Ediboy” S. Cobangbang, Jr. ken dagiti pannakabagi iti DA-ATI ken ti OPAG-Ilocos Sur.
Nasangaili iti maikadua nga aldaw ni Mayor Ediboy. Kimmablaaw ken nagyaman ti Ama ti Ili iti pannakaited manen daytoy a gundaway kadagiti mannalon iti ili. Innayonna a masasao a mayoridad dagiti mannalon iti ili isu a sensitibo met a maikkan ti kaipapanan dagiti kasapulanda babaen kadagiti intervention a maited a kas iti counterparting scheme iti farm machineries/equipments ken iti implementasion ti soil fertility mapping kadagiti barangay.
Innayon ti Chief Executive a maipampamaysa a mataming iti pagsayaatan dagiti mannalon tapno ngumato ti matgedanda ket no mapapintas ti kasasaadda ket isublida met laeng a progreso ti ili ta pumigsa ti “purchasing power-da” a gumatang ti tagilako a pangalaan ti Taripa ti LGU nga agsubli para iti umili babaen porma iti serbisio.
Naglektiur dagiti pannakabagi ti DA-ATI nga idauluan ni Dr. Melinda F. Mangabat nga isuda Ms. Elsa Rafanan; Mr. Teresito Batin; Mrs. Remedios Inovejas ken ni Mr. Rey Segismundo.
Naadal ditoy ti kaipapanan ti Overview of the Training/Pre-Test/Host Team Formation; Philippine National Standard: Code of GAP; Elements of GAP; Food Safety Hazards and Sources of Contamination along the Supply Chain.
Kasta met iti GAP on: Farm Location; Site Management; Farm Structure and Maintenance; Production Site/Property Map; Bio Fertilizers and Pesticides ken Pesticide Management.
Ti GAP Certificate ket maited kadagiti agsanay a mannalon apaman a maileppasda ti training kas maibilang a pasaporteda iti pannaka-avail-da iti napintas a marketing status ti produktoda iti agdama. # (Web In-Action)
No comments:
Post a Comment