MITING TI FEDERATED FARMERS, NABALLIGI TI RESULTANA

Cabugao, Ilocos Sur – Naangay ti miting dagiti kameng ti nadumaduma nga Asosasion nga idauluan ti Cabugao Federated Farmer’s Association idi Hunio 2, 2015 iti Municipal Conference Building, Cabugao, Ilocos Sur.

Indauluan ni  Mr. Elmer Guerrero  Bromeo, Farmers Federated President dagiti nagmiting ket timmulong dagiti DA-LGU Personnel kas kada Mr. Nathaniel B. Galamgam, Farmers’ Association Coordinator,  Municipal Rice Program Coordinator Nerio S. Daproza, AT,  ken ni Mrs. Ester P. Aguimbag, a nangtratar/nangilawlawag  kadagiti 

nabukel nga Agenda para iti bulan ti Hunio 2015.

Kalpasan iti pannakaited dagiti pamanunotan ti tunggal pangulo ti Asosasion ket napasingkedan iti naan-anay a pannakigamuloda ken panagpartisiparda iti pannakapatibker ti hanay-da. 

Dagiti kangrunaan nga inda trinatar ket iti nasayud a pannakaited ti Hybrid Seeds (Plant Now Pay Later Plan) iti 35 nga Asosasion (29 Packs each) kasta metten iti pannakaited ti Knapsack Sprayer babaen Iti BUB Program ti LGU-Cabugao  kadagiti barangay-based associations.

Innayon ni Mr. Bromeo a nataming pay ti Financial Status ti pederasion ken dagiti wagas a pangpatibker kadagiti Asosasion a naikameng itoy nga Pederasion.

Nag-Adjourn ti Meeting iti 11:25 ti bigat iti dayta a petsa. # (Web In-Action)