Cabugao, Ilocos Sur – Nagmiting dagiti Opisiales ken Kameng ti Cabugao Federated Senior Citizens idi Hunio 16, 2015 ket naaramid ti mitingda iti Senior Citizen’s Center, Brgy. Rizal, Cabugao, Ilocos Sur.Impakaammo ni Mr. Bonifacio Somera, Presidente a nagatendar met da Mr. Remigio Sunico, OSCA Head iti nasao a miting ken ni Mrs. Lucila S. Somera, pannakabagi ti LGU-Cabugao kadagiti nataengan.
Innayon ni Mr. Somera nga intultuloyda a trinatar ti maipapan iti napintas a koleksion ti Saranay-da, updating ti kameng ti Senior Citizens iti kada barangay, ken regular nga monthly accomplishment report ti Pederasion. Kabayatanna, innayon ti Presidente nga inragpinda a napagpapatangan dagiti planoda nga igannuat a proyektoda a para iti Tawen 2015 para iti pagsayaatan ti hanay-da a nataengan. # (Web In-Action)
No comments:
Post a Comment