Cabugao, Ilocos Sur – Naballigi a naileppas ti 5-Day Training dagiti Barangay Nutrition Scholars (BNS), Barangay Health Worker’s (BHW’s) ken Parent-Leaders (PL’s) (BNS) iti Munisipalidad ti Cabugao a nangrugi idi Hunio 22, 2015 agingga iti Hunio 26, 2015 iti Municipal Conference Building, Cabugao, Ilocos Sur.Napauluan ti seminar iti “Training of Trainers on the Promotion of Good Nutrition”.
Kangrunaan a nayadal kadagiti nadakamat a pannakaramay ti Munisipio iti Nutrision dagiti module a mangpapintas/mangpasayaat ti serbisio dagiti BNS, BHW’s ken dagiti Parent-Leaders (PL’s) kadagiti klienteda iti barangay.
Segun ken ni Mrs. Joenah G. Sevilleja, MNAO-Cabugao, lima laengen iti 33 a barangay ti saan pay a nagdalan iti kastoy a panagsanay ket pito a barangay a lugar dagiti agdama a nagpartisipar iti training a dagitoy ti Brgy. Maradodon, Catucdaan, Nagsantaan, Lipit, Sagayaden, Nagsincaoan ken Marga-ay.
Innayon ni Mrs. Sevilleja a maikkanda met iti “Sertipiko ti Panagleppas” a pakakitaan iti lima nga aldaw a panagsanayda nga aggapu iti Department of Health (DOH) ken iti National Nutrition Council, Region 1. # (Web In-Action)
No comments:
Post a Comment