Cabugao, Ilocos Sur – Simmarungkar dagiti dua a pannakabagi ti Bureau of Fisheries and Aquatic Resources (BFAR)-Region 1 idi Hunio 22, 2015 iti Opisina ti DA-LGU Cabugao nga imatonan ni Acting Municipal Agriculturist Robert S. Savella tapno mangisayangkatda iti “Profiling” kadagiti kameng ti Pantawid Pamilyang Pilipino Program (4 P’s) ditoy nga ili iti pakaseknan ti gandat ti Ahensia a tumulong kadagitoy a nakurapay nga umili babaen iti pannakikammayetda iti Department of Social Welfare and Development (DSWD). Imbatad ni Mrs. Milagros R. Paz, Municipal Fisheries Coordinator a dagitoy a programa ket paset ti agtultuloy a napintas a pannakikammayet/pannaki-partner ti LGU-Cabugao kadagiti Ahensia ken Opisina a makaprobitsar iti mayataday a serbisio a para kadagiti nakurapay a kaamaan iti lokalidad. # (Web In-Action)
No comments:
Post a Comment