Cabugao, Ilocos Sur – Agdama ita a maitartarabaho ti proyekto ti irigasion a mapuros ti suplay a padanumna iti Becques River iti Barangay Aragan, Cabugao, Ilocos Sur ket napunduan ti P24,500,000 babaen iti LGU Grant a naggapu iti National Tobacco Administration (NTA).
Segun ken ni Municipal Engineer Crescencio Marcos C. Formoso ket umuna a naestablisar ti Catch B asin sa maisaruno ti Reinforced Concrete Reservoir a manamnama a mangnayon ti padanum dagiti pagtatalonan iti Brgy. Carusipan, Brgy. Aragan ken Brgy. Alina-ay nga agpaay a Service Area daytoy a maaramid nga irigasion.
Daytoy a gannuat ket paset ti programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr. iti pannakapasayaat dagiti pamataudan ti danum dagiti mannalon ket maipalawa ti matalon a mangipangato ti bilang ti maapit iti pagay a mangpasayaat ti ekonomia ti ili. # (Web In-Action)
No comments:
Post a Comment