Friday, February 12, 2016

2nd WEEK TRAINING TI RIAA ATHLETES, DUMURDUR-AS

Cabugao, Ilocos Sur –  Maang-angay ti panagsanay dagiti napili nga Atleta iti Ilocos Sur Division a mapan makisalip iti Region 1 Athletic Association (RIAA) 2016 Competition  idiay San Carlos City, Probinsia ti Pangasinan.

Maaramid ti panagsanay iti Cabugao Athletic Oval (Freedom Park)  kasta pay a mausar dagiti dadduma nga Sports Facilities ti ili a kas iti Cabugao Cultural and Sports Complex , Brgy. Bonifacio Covered Court ken iti Cabugao Central Park  (CCP)   Basketball Court.

Kinuna ni Mr. Pepe Adame, Opisial ti panagsanay, maaramid ti 21 days intensive training-da maibilang iti aldaw ti Sabado ken Domingo, malaksid iti oras ti religious obligation nga oras dagiti Atleta ken Training Staff kadayta nga aldaw.

Innayonna a maar-aramid met daytoy iti dadduma a Probinsia a kas iti Ilocos Norte, Pangasinan ken La Union kadagiti  mangbukel a   Division iti uppat a Probinsia iti Rehion Uno nga agsasalip iti RIAA 2016 Competition.

Dagiti pakabuklan ti Division  ket iti Laoag City, Batac City, Ilocos Norte Division, Ilocos Sur Division, Vigan City, Candon City, La Union Division, San Fernando City, Pangasinan 1 – Central & Western (San Carlos City, Dagupan City, Alaminos City); Pangasinan 2 –Eastern (Urdaneta City) ken iti Pangasinan Division. 

Idauluan  ni Mr. Meneleo Palma, CSEE, Education Program Supervisor  1, MAPEH ken PESS Ilocos Sur Division Coordinator dagiti Sports Officials/Coaches/Trainors   dagiti mangisursuro ken agsansanay nga ubbing.

Dagiti sports event a pagsanayan dagiti ubbing ket iti Archery, Arnis, Athletics (running, throwing ken jumping), Badminton, Baseball, Basketball, Boxing, Chess, Football (Soccer), Gymnastics, Lawn Tennis, Sepak Takraw, Softball, Table Tennis, Taekwondo, ken Volleyball (Men & Women)

Iti pannakiuman ti Web In-Action kadagiti kaaduan  nga Athletes ken Coaches itay nabiit, ket kunada a determinadoda  a mangileppas  iti panagsanayda para iti mapaspasangasangan a RIAA 2016.  

Imbatad ni Mr. Pepe Adame, Trainor ken Opisial a pappapigsaenda dagiti natakuatan a pagkapuyan dagiti Atleta iti nadumaduma nga event iti kallabes a tawen. Mangnamnama ti Sports Official a dakkel ita ti pagdur-asan ti kabaelan dagiti Atleta agsipud iti kaadda dagiti National Trainors a katulonganda a mangsanay kadagiti Atleta. 

Tumartarabay met iti panagsanay da  Mr. Ronel M. Ubaldo,  DepED District PESS Coordinator kasta metten ken ni ABC President Thaddeus U. Soller. # (Web Situational Report)

No comments:

Post a Comment