Cabugao, Ilocos Sur – Naangay ti 5th Cabugao Mass Wedding Program ti LGU-Cabugao iti Cabugao Cultural and Sports Complex, Brgy. Rizal, Cabugao, Ilocos Sur idi Pebrero 17, 2016.
Iti panangrugi ti programa, immuna ti panagmartsa dagiti 36 a paris a nagkasar a sinaksian dagiti ninong ken ninangda iti uneg ti nadakamat a Building. Naaramid ti Prayer babaen ken ni Engr. Conrado Segui. Indauluan met ni Municipal Treasurer Mrs. Lourdes A. Azcueta ti pannakakanta ti Philippine National Anthem ken ti Cabugao Hymn.
Nangited ti Welcome Address ni Vice Mayor DJ Savellano. Kinablaawanna dagiti 36 a paris a nagkallaysa. Nangibinglay ti napapateg a pammagbaga kadagiti nagkasar.
Naisaganad ti Seremonia ti Kallaysa ket inannong ni Mayor Edgardo “Ediboy” S. Cobangbang, Jr. babaen iti Bileg a naikawes iti Chief Executive a mamagkallaysa kadagiti 36 a paris a nangawat ti Matrimonia ti Kasar iti dayta a petsa. Kadua ken kaabay ni Mayor Ediboy iti sango ni Vice Governor DV Savellano a nangsango kadagiti agkakasar.
Nangted met ti Mensahe ni Vice Governor DV Savellano ket bininsana ti pateg ti napintas ken manayon a kinnaawatan dagiti agassawa a mangpatalinaed iti naurnos ken naragsak a Pamilia kadagiti nagkasar.
Nangibinglay met ti pammatigmaan ni Mrs. Dina Bonnevie-Savellano a kadua ni Vice Gov DV ti kaingungotna a nagatendar iti Mass Wedding. Bininsa ni Ms. Bonnevie ti pateg ti ayat ken panagpinnadayaw dagiti agassawa tapno agnanayon ti panagtipon dagiti agkasimpungalan.
Iti Mensahe ni Mayor Ediboy, kinablaawanna dagiti nagkasar ken agraman dagiti nanganak, sangaili ken kabagian dagiti nagkasar ken iti amin a naitallaong iti nasao a seremonia.
Imbatad ti Ama ti Ili a saan laeng a dagiti apagkallaysa ti nagasat ita nga aldaw ket uray met isuda a naaddaan ti parte ti biag dagiti agassawa iti panagmaymaysada ta isuda ti nangannong kadaytoy a mass wedding ceremony.
Innayon ti Alkalde Munisipal a di magatadan daytoy a pormal a panaglantip ken panagmaymaysa ti pusoda dagiti agassawa ket umanay a pagrubuatan dagitoy a mainayon a nakataltalna a pamilia kadagiti nakaresresponsable a pamilia a mangbukel ti ili.
Pinagyamananna pay iti agtultuloy a panagtalekda ken pammatida iti Gobierno Munisipal babaen iti pannakipartisiparda kadaytoy a programa ti Munisipio. Innayon ti Alkalde Munisipal a mainayon dagiti nagkallaysa a mangbangon iti naresponsable a Pamilia ken umili ta iti Pamilia ti pangrugian ti natibker a pundasion ti naurnos ken naprogreso nga ili ti Cabugao.
Nangipaay ti Mensahe ni Mr. Reynor Fernando, OIC Provincial Statistics Officer ket inapresiarna daytoy a proyekto ti LGU-Cabugao babaen iti liderato ni Mayor Ediboy kasta metten iti episiente a panagtrabaho ti Municipal Civil Registrar Office nga idauluan ni Mrs. Rosario Charity S. Abara ditoy nga ili.
Innayon ti Opisial ti NSO (napagbalin a Philippine Statistics Authority) iti ipapan dagiti 36 a paris a nagkasar iti Municipal Civil Registrar’s Office tapno surotenda dagiti pagannurotan iti “pannaka-legitimize” ti apeliedo nangruna iti annak ken kanayon a kalintegan a maited iti pamilia dagiti kakaskasar.
Naisaganad ti Wedding Dance dagiti nagkasar ket napan nagibitor ken nangted ti sagut dagiti ninong ken ninangda. Simmaruno ti panagsinnubo dagiti pareha iti “Cake” ken naaramid ti ritual ti kallaysa a “Champagne Toast” babaen iti pannakipaset dagiti Opisiales ken dagiti kakaskasar. Indauluan ni SBM Atty. Bryan Jett S. Pano ti “Champagne Toast”.
Kabayatanna, naited dagiti sagut kadagiti nagkakasar a naggapu kada Vice Gov. DV Savellano ken ni Mayor Ediboy babaen iti panangyawat dagiti Opisiales nga isuda Vice Mayor DJ Savellano; Mrs. Dina Bonnevie-Savellano; SBM Vicky S. Serna; SBM Jayhan Charisma Alcid-Tan; SBM Benedicto M. Savellano; SBM Josefina S. Vallejo; SBM Atty. Bryan Jett S. Pano; ABC President Thaddeus “Teddy” U. Soller; Brgy. Captain Arnold “Bambi” V. Yangat; Municipal Civil Registrar Mrs. Rosario Charity S. Abara ken ni MSWD Officer Mrs. Lydia S. Gazmen.
Nangipaay ti Closing Remarks ni SBM Danny Q. Gazmen. Bininsana ti pateg ti pananggun-od ti matrimonia ti kasar ken iti pateg dagiti pribilehio nga it-ited ti Munisipio a libre a serbisio kadagiti saan pay a nagkasar.
Kalpasan ti Seremonia ti Kallaysa, naaramid ti panamagsasango dagiti amin a nagatendar kadagiti naisagana a taraon kalpasan iti Thanksgiving Prayer nga indauluan ni Brgy. Secretary Belandres ti Barangay Pug-os. # (Web In-Action)
No comments:
Post a Comment