Cabugao, Ilocos Sur – Naaramid ti Meeting dagiti Opisiales ti Cabugao Federated Rural Improvement Club (RIC) nga idauluan ni Mrs. Grenalyn Amoroso iti 2nd Floor, Municipal Building, Cabugao, Ilocos Sur itay nabiit.
Kangrunaan a natratar ken napagsasaritaan ket dagiti wagas a pangpatibkerda iti sektor-da nga RIC kas iti pannaka-accredit dagiti asosasionda iti LGU-Cabugao; update ti Financial Record-da ken iti pannakaaramid ti Project Proposal-da kadagiti kiddawenda a proyekto iti Munisipio.
Nagtinnulong da President Amoroso ken ni Miss Katrene Joy Tapuro, Municipal RIC Coordinator a nangtarawidwid iti nasao a miting.
Naballigi met a napagsasaritaan dagiti dadduma pay a pakaseknanda a naidatag iti Pederasion ken iti Asosasionda iti barangay sakbay a nag-adjourn ti nadakamat a miting. # (Web In-Action)
No comments:
Post a Comment