Cabugao,, Ilocos Sur – Tumulong ita dagiti probado a sector iti pannakaidur-as ti Organic Agriculture iti Munisipalidad babaen ti pannakausar ti Foliar Fertilizer a kas mayalubog iti polisa ti Republic Act No. 10068 wenno:
“An Act providing for the development and promotion of Organic Agriculture in the Philippines and for other Purposes”.
Naangay ti miting dagiti Farmer/Cooperators iti Barangay Hall, Barangay Baclig, Cabugao, Ilocos Sur idi Pebrero 17, 2016 a nagdemonstraran dagiti pannakabagi ti NAPAKA Alkaline Bio-Organic Foliar Fertilizer nga inyam-ammo ti DA - RFO 1 ken ti Ilocos Norte Research & Experiment Center (INREC) babaen ken ni Ms. Wilma A. Ibea OIC Center Chief, National Highway Bgy. Tabug, Batac City Ilocos Norte kadagiti mannalon iti intero a Rehion Uno.
Naaramid nga immuna ti Film Viewing iti Barangay Hall sada nagturong iti Field Demontrasion Area iti biang ni Mr. Alfonso Seatriz iti Sitio Lusong Suyo, Brgy. Baclig, Cabugao, Ilocos Sur. Timmulong a nagsarita ken nagdemonstrar dagiti Gawad Saka Achievers iti Ilocos Norte a nakapadasen kadaytoy a maigangannuat a pagsayaatan dagiti mannalon.
Nagatendar iti nasao a panagtitipon dagiti Staff ti DA-LGU Cabugao nga idauluan ni Acting Municipal Agriculturist Robert S. Savella agraman ken ni Mr. Nathaniel B. Galamgam, AT/Focal Person ti Organic Production.
Dagitoy nga aksion ken inisiatiba ket maigapu iti panangparegta ti LGU Cabugao nga idauluan ni Mayor Edgardo “Ediboy” S. Cobangbang, Jr. iti naan-anay nga implementasion ti Organic Agriculture ditoy Munisipalidad ti Cabugao tapno manayonan ti matgedan dagiti mannalon ken agtultuloy a maital-o ti kasasaad ti panagbiagda. # (Web In-Action)
No comments:
Post a Comment