Wednesday, February 3, 2016

MAUSAR ITI PAGKALAP, NAI-TURNOVER KADAGITI 4Ps TI 3 A COASTAL BARANGAY

Cabugao, Ilocos Sur – Nai-award ti pakabuklan iti  tallo a motorized banca  ken 3 a Unit ti Payao kadagiti  4Ps Beneficiaries iti tallo a Coastal Barangay ti lli: Brgy. Sabang; Brgy. Daclapan ken ti Brgy. Namruangan, Cabugao, Ilocos Sur iti sango ti Munisipio idi Pebrero 1, 2016.


Dagitoy ket impaay ti Bureau of Fisheries and Aquatic Resources (BFAR) Region 1 nga idauluan ni  BFAR Regional Director Nestor Domenden,  CESO V ken iti panangilungalong ti Gobierno Munisipal ti Cabugao nga idauluan ni Mayor Edgardo “Ediboy” S. Cobangbang, Jr. 

Segun ken ni Mrs. Milagros R. Paz, Municipal Fisheries Coordinator ket ka-koordinarna dagiti asosasion ti mangngalap kadagiti nadakamat a barangay iti pakaseknan ken  pagdurdur-asan dagiti maited a motorized banca ken Payao iti pannakatarawidwid dagitoy a proyekto. 

Pinagyamanan met dagiti mangngalap a mabenepisiaran iti naan-anay a panagyamanda iti BFAR ken ti LGU-Cabugao iti pannakanayon dagiti alikamenda a mausar iti panangpadur-asda iti sektorda a mangngalap kadagitoy a barangay.


Nakikaysa ken binayabay dagiti Opisiales ti ili ni Mayor Ediboy iti turnover nga isuda SBM Danny Q. Gazmen;  SBM Vicky S. Serna; SBM  Dr. Jemaima S. Tan-Yee; SBM Jayhan Charisma Alcid-Tan; SBM  Josefina S. Vallejo;  MSWD Officer Mrs. Lydia S. Gazmen ken ni  ABC President Thaddeus “Teddy” U. Soller  agraman dagiti Staff ti DA-LGU nga idauluan ni Acting Municipal Agriculturist Robert S. Savella ken dagiti Opisiales ti Asosasion dagiti mangngalap iti nadakamat a tallo  a barangay.

Daytoy a pagimbagan ket  nagubuay   iti  panangilungalong  ti Gobierno Munisipal a mangtulong kadagiti mangngalap babaen iti pannakapaadda   dagiti proyekto a para iti agtultuloy a panagsalukag dagiti mangngalap iti ili ti Cabugao, Ilocos Sur. # (Web In-Action)

No comments:

Post a Comment