NANGABAK A BRGYS. KEN PAGESKUELAAN ITI SIGLAT AWARDS 2015, BINIGBIG TI LGU

Cabugao, Ilocos Sur – Kalpasan ti Flag Ceremony  iti Pebrero 15, 2016, impeksa ni Mayor Edgardo “Ediboy” S. Cobangbang, Jr. ti ragsak ken panangkablaawna kadagiti barangay/indibidual  a nangabak iti Siglat Awards 2015.

Naulit ti pannakaited dagiti Plake ken Sertipiko ti pammadayaw kadagiti Barangay Siglat Winners  ken Opisialesda  agraman dagiti nangabak a pageskuelaan iti 9th Kannawidan Festival 2016   iti imatang ti Pamilia-LGU nga idauluan ni Mayor Ediboy ken dagiti kameng ti Sangguniang Bayan nga imatonan ni Vice Mayor DJ Savellano. 

Binayabay dagiti Opisiales ti Ili ni Mayor Ediboy a nangawat iti Plake ken Tropeo a pakakitaan iti panangabak manen ti LGU-Cabugao iti maikapat a Tawen a pakontes ti Siglat Awards ti Provincial Government ti Ilocos Sur.

Nainayon a nai-award dagiti pakakitaan iti panangabak/pannakaipasa  ti  LGU-Cabugao iti Seal of Good Local Governance iti Ahensia ti DILG.

Bimmayabay met da Vice Mayor DJ Savellano; SBM Danny Q. Gazmen; SBM Dr. Jemaima S. Tan-Yee; SBM Vicky S. Serna; SBM Jayhan Alcid-Tan; SBM Josefina S. Vallejo; SBM Atty. Bryan Jett S. Pano; SBM Benedicto M. Savellano ken ni ABC President Thaddeus U. Soller ken ni Mayor Ediboy nga immawat kadagiti Pammadayaw a nagun-od ti LGU-Cabugao ken nagiyawat kadagiti pakakitaan ti pammadayaw kadagiti Barangay ken Pageskuelaan.

Dagiti sumaganad ti napadayawan:

Outstanding Barangay Health Worker – 4rth Runner-up,   Brgy. Carusipan

Outstanding Barangay Nutrition Scholar – 2nd Runner-up, Barangay Rizal

.

Outstanding Barangay Secretary – Champion,  Brgy. Pug-os

Best in Nutrition Program Implementation – 2nd Runner-up, Brgy. Rizal 

Best in Coastal Resource Management – Champion, Brgy. Salapasap

Safest and Most Peaceful Barangay – 1st Runner-up, Barangay Turod

Most Child Friendly Barangay – 4rth Runner-up, Brgy. Bonifacio

Best in Tourism Promotion – 1st Runner-up. Barangay Sabang

Best in Agricultural Productivity – 2nd Runner-up, Brgy. Baclig

Best in Fish Production & Aqua Culture Development – Champion, Brgy. Dardarat

Best in Livestock Production – 1st Runner-up, Barangay Baclig

Best in Organic Farming Program Implementation – Champion, Brgy. Turod Patac

Best Performing Barangay – 1st Runner-up, Brgy. Pug-os

Best Innovative Practice – 2nd Runner-up, Barangay Dardarat

Outstanding Punong Barangay – Champion, Brgy. Pug-os

Best in Barangay Intensive Gardening – Champion, Barangay Pug-os

Best Barangay Tree Park – Champion, Barangay Lipit

Best Barangay Herbary – 1st runner-up, Barangay Pug-os

Most Functional Botika sa Barangay – 1st Runner-up, Barangay Carusipan

Most Outstanding Bantay Dagat – Champion, Barangay Dardarat

Most Functional Barangay Anti-Drug Abuse Council – 1st Runner-up, Barangay Aragan

Best in Gender and Development  Program Implementation – 2nd Runner-up, Barangay Pug-os

Best in Elderly Welfare Program Implementation – 2nd Runner-up, Barangay Daclapan

Best in PWD Program Implementation – Champion, Barangay Daclapan

Outstanding Barangay Tanod – 2nd Runner-up, Barangay Turod

Best in Youth Development Program Implementation – Champion, Barangay Bonifacio

Outstanding 4-H Club -  Champion, Barangay Bonifacio

Outstanding RIC – 1st Runner-up, Barangay Nagsantaan

Outstanding Barangay-Based Cooperative – Champion, Sagayaden Norte, Barangay Sagayaden

Outstanding Farmers Association – Champion, Barangay Baclig

Outstanding Fishermen Association – 1st Runner-up, Barangay Namruangan

Lupong Tagapamayapa – 1st Runner-up, Barangay Turod.

Iti benneg ti pageskuelaan, nagun-od ti Sisim-Alinaay Elementary School ti Pammadayaw iti Marching Band Competition; Contemporary Dance and Folk Dance, 3rd Place, ti Lipit National High School; 3rd Place, Ethnic Dance, Nagsincaoan Elementary School; ken 2nd Place, Choir Competition, ti Cabugao South Central School.

Iti Mensahe ni Mayor Ediboy, imbatadna a daytoy pay laeng iti damo a pannakagun-od ti maysa nga ili iti agsasaruno nga uppat a Tawen a panangabak iti daytoy a pakontes. Innayonna a dagitoy ti pakadagupan iti adu a sakripisio, sirmata, napintas a kinnaawatan, nasayaat a puso ti panagserbi ken dumngeg kadagiti adu a kapanunotan iti nakaigapuan iti pannakagun-od ti ili iti maikapat a tawen a panagkampeonna iti Siglat Awards.

Innayon pay ti Ama ti Ili a dagitoy a pakakitaan ket naggapu iti mayoria a gapuanan a saan a magatadan iti kuarta no di ket maigapu iti agtultuloy a napintas a kinnaawatan ken kinapudno a panagserbi dagiti umili ken iti Munisipio.

Pinadayawan manen ni Mayor Ediboy dagiti nakagun-od a barangay ken indibidual a nakaigapuan ti panangabak ti Munisipio a Kasiglatan nga ili ti Cabugao. Inggunamgunamna a maitultuloy koma latta dagitoy a gapuanan ket agsupapak met ti liderato a mangkita no kasano a makomplementaran ken masubadan dagitoy a pammadayaw a maited iti Balay ti Ili.

Pinadayawan met ti Municipal Chief Executive dagiti ubbing ken mangisursuro a mangitantan-ok iti ili babaen kadagiti nagun-odda a pammadayaw iti 9th Kannawidan Festival 2016.

Kinomendaran pay ni Mayor Ediboy  dagiti Kapolisan  ken ti  BFP kadagiti gapuananda a mangpatalinaed ti linak ken talna iti kallabes ken iti agdama nangruna kadagiti mapasamak a dadakkel nga aktibidad iti Munisipalidad.

Impalagipna pay iti panagsangpet dagiti adu a balikbayan a makilaok kadagiti aktibidades a mapasamak iti ili ken dagiti maselebraran a pagteng kangrunaan iti masungad a panagpiesta ti ili ti Cabugao. Innayonna a mapakitaan latta koma iti napintas a pannakapasangbayda/pannakaasikasoda   dagiti balikbayan ken dagiti umili nga umay ditoy Munisipio nga addaan iti pakaseknanda. # (Web In-Action)