Friday, February 5, 2016

NINIO JESUS, NAISARUNGKAR MANEN KADAGITI UMILI

Cabugao, Ilocos Sur – Naipasiar ti Imahen ni Ninio Jesus kadagiti umili kadagiti barangay ti Poblasion babaen iti Benneg dagiti Babbai iti St. Mark the Evangelist Parish Church, Cabugao Catholic Church, Cabugao, Ilocos Sur nangrugi idi Pebrero 2, 2016.

Naipan met ti Imahen iti pasdek ti Munisipio ket sinarabo ni Mayor Edgardo “Ediboy” S. Cobangbang, Jr. apaman a naiserrek  ti Ninio Jesus iti mismo nga Opisinana a binayabay ti Pamilia-LGU ken dagiti Catholic Women a nangannong kadaytoy nga aktibidad.

Kabayatanna, kastoy met ti inaramid dagiti Women of the Philippine Independent Church (WOPIC) ti ili a Cabugao, Ilocos Sur a kas pangannurotda iti Selebrasion ti “Candelaria”  a paset ti Doktrina ti Simbaan-da ken paset ti  Tradision  iti umuna a pannakaisarungkar dagiti umuna a mayanak nga ubbing ti Pamilia iti Simbaan para iti Apo. Nangrugida met a nagipasiar ken ni Ninio Jesus idi Pebrero 2, 2016 ditoy Poblasion ken kadagiti dadduma a barangay a maserbisyuan ti Sekta ti PIC.

Kanaig daytoy, maiserbi iti Scholarship Program ti masapulan ti pannakaisarungkar ti Ninio Jesus iti biang ti Simbaan Romano Katolika, segun ken ni Ms. Lucille Somera, Parishioner.  # (Web In-Action)

No comments:

Post a Comment