Cabugao, Ilocos Sur - Segun ken ni Market Supervisor Norma S. Bertumen a parparegtaenna ti agtultuloy a pannakalinis a nasayaat ti las-ud ti Tiendaan (NISTC Public Market).
Innayonna nga agtultuloy nga isayangkat dagiti Personnel ti NISTC Public Market a tumulong nga agikkat kadagiti rugit iti uneg ti tiendaan.
Kabayatanna, malaksid iti maar-aramid a “Flushing” iti basar ken stalls iti paglakuan ti ikan ken karne (mamindua ti makalawas) ket naasikaso pay ti septic tank kasta met a maigidgiddan ti inspeksion kadagiti ambulant vendors babaen iti panagpasiar ken panagpalagip ti Sanitary Inspector ti LGU-Cabugao kadagiti Food Handlers nga aglaklako iti ikub ti Tiendaan.
Kanaig daytoy, naobligar dagiti aglaklako iti makan ken masida iti panagsakadada iti Health Certificate-da a rekisitos iti panangipabaroda iti lisensiada nga aglako iti Tawen 2016.
Malaksid iti uneg ti Tiendaan, agtultuloy met ti koordinasion ti Opisina ti MENRO-LGU Cabugao ken ni Mrs. Bertumen iti agtultuloy a pannakadalus ti agsumbangir ti Kalsada Nasional a batog ti Tiendaan agraman kadagiti drainages tapno agtultuloy a nasigo ti sanitasion ken nasalun-at nga aglawlaw iti NISTC Public Market a para met laeng iti sapasap. # (Web Situational Report)
No comments:
Post a Comment