Cabugao, Ilocos Sur – Naangay ti tallo nga aldaw, Enero 29-31 iti “Sun Soaked Ilocos Sur Beach Festival 2016” a ditoy ket napagsasalipan iti Dragon Boat Race; Beach Volleyball ken Frisbee Competition idiay Pug-os Beach, Brgy. Pug-os, Cabugao, Ilocos Sur babaen iti panangtarawidwid ti Benneg ti Sports ti Provincial Government ken inesponsoran da Congressman Ronald V. Singson, First District, Ilocos Sur ken ni Governor Ryan Luis V. Singson.
Naaramid ti Preparasion dagitoy nga event iti Enero 29, 2016 ken naluktan iti paay-ayam iti Enero 30, 2016. Nagatendar ditoy ni Diputado Ronald ket linukatanna ti panangrugi ti paay-ayam a no sadino a ditoy ket nagpartisiparan dagiti kameng ti nadumaduma nga asosasion ti sports iti pagilian; ganggannaet; ken kameng ti militar.
Nagatendar met ni Mayor Edgardo “Ediboy” S. Cobangbang, Jr. a nangitedanna ti Mensahena iti pammasangbay a para iti sapasap a nakikaysa kadaytoy nga sportsfest.
Iti pannaki-amad ti Web In-Action ken ni Ms. Leah Balanon, Sports Coordinator, naggigiddan a naaramid dagiti naipabuya iti tallo nga event a nagbuyaan ti adu a bilang ti umili, foreigners ken sangsangaili iti aplaya ti Barangay Pug-os, Cabugao, Ilocos Sur kadagita a petsa.
Innayon ti Sports Coordinator a malaksid iti pannakaipromot ti Turismo ken Natural Resources iti lokalidad ket mairaman pay iti oportunidad para iti negosio a mangpataud iti trabaho dagiti panggep daytoy a paay-ayam ken maipabuya.
Naaramid pay ti Awarding iti Cabugao Beach Resort, Barangay Pug-os, Cabugao, Ilocos Sur kalpasan iti paay-ayam.
Kadagiti met aldaw ti pasalip, nakikaysa dagiti kameng ti WASAR (Water Search and Rescue) Team ken iti First Aid Team ti RHU-Cabugao nga idauluan ni Engr. Nestor B. Somera iti LGU-Cabugao agraman ti Kapolisan ken dagiti BPATS/Tanod iti nadakamat a barangay iti pannakatarabay dagiti agsasalip ken dagiti bisita kadaytoy a barangay. # (Web In-Action)
No comments:
Post a Comment