Cabugao, Ilocos Sur – Nageksamen nga immuna dagiti baro nga Aplikante para iti “libre a panagadal” a programa ti LGU-Cabugao nga idauluan ni Mayor Josh Edward S. Cobangbang para iti School Year 2017-2018 iti Cabugao Education Scholarship Program (CESPRO).
Naaramid ti panageksamen dagiti baro nga Aplikante idi Mayo 22-23 a dagitoy dagiti Incoming Grade 7; kasta metten dagiti incoming Grade 11 idi Mayo 24 ken Mayo 25 ken dagiti Incoming 1st Year College idi May 26, 2017.
Ti Cabugao Education Scholarship Program (CESPRO) ket Gakat ni SB Member Danilo Q. Gazmen a nataming iti Sangguniang Bayan ken naaprobaran a linteg kabayatan iti Administrasion ni Mayor Edgardo “Ediboy” S. Cobangbang, Jr.
Iti aguppat a tawenen a pannakaipatungpal daytoy a linteg (naaprobaran idi Oktubre 14, 2013) ket adun ti natulonganna nga agad-adal ken nabenepisiaran a kaamaan nga umili ti Cabugao.
Daytoy a linteg ket maisagut kadagiti makualipikar nga agtutubo ken ubbing a naregget ti namnamada a makaileppas iti adal iti High School ken iti kurso iti Kolehio.
Tarawidwidan ni Mr. Dario Roy Siruno, Information and Tourism Officer ti LGU-Cabugao iti pannakaigannuat ti nadakamat a panageksamenda ken iti pannakaiproseso iti panangawatda kadagiti gatad a gastosenda. # (Web In-Action)
No comments:
Post a Comment