ACTING FIRE MARSHAL TI ILI A CABUGAO, NAGAKEM ITI SAADNA

Cabugao, Ilocos Sur – Kalpasan ti Flag Raising Ceremony iti Hulio 17, 2017, inyam-ammo ni Inspector Ronald N. Castillo ti bagina iti Pamilia-LGU; Konsehales ti Ili ken iti imatang  ni Mayor Josh Edward S. Cobangbang  a  nadutokan ni Inspector Castillo nga agakem nga Acting Fire Marshal iti Cabugao Fire Station.

Impakaammona iti panangawatna iti pagrebbenganna  a mangitultuloy kadagiti aktibidades ken programa ti BFP-Cabugao kabayatan nga adda iti seminar ni Fire Marshal Elmer C. Acapuyan.

Impeksana pay ti naan-anay a panangipatungpalna kadagiti pagrebbenganna iti sanguanan dagiti Opisiales ti Ili ken iti Pamilia-LGU. # (Web In-Action)