Cabugao, Ilocos Sur – Naangay ti Monthly Regular Meeting dagiti Opisiales ti Cabugao Federated Farmers Association iti Hulio 4, 2017 iti Early Childhood Care Development Building, Brgy. Rizal, Cabugao, Ilocos Sur.
Indauluan ni Mr. Elmer Guerrero Bromeo, Federated President dagiti nagmiting a Presidente ken timmulong dagiti pannakabagi ti DA-LGU Staff iti panangidaulo ni Municipal Agriculturist Robert S. Savella.
Dagiti sumaganad nga Agenda iti tinamingda:
1. Pannakailawlawag ti idadateng iti subsidized fertilizer nga ited ti LGU–Cabugao para kadagiti ag-4500 nga ID Card Holder a mannalon para iti Wet Season 2017.
2. Trinatar ni Mr. Edgar S. Balangatan, AT iti epektibo a wagas para iti fertilizer distribution kadagiti mannalon iti barangay.
3. Naglektiur dagiti pannakabagi ti HumusPlus a daytoy ti pakadua ti maited a libre a ganagan kadagiti mannalon.
4. Nagsarita da Mr. Armando S. Azcueta, Presidente ti Cabugao Federated Vegetable Traders Association ken kasta metten ni Mrs. Ester P. Aguimbag, AT, HVCDP Coordinator pakaseknan iti maited a subsidies ti bukel ken ganagan para kadagiti agmulmula ti nateng. Nagkumit dagiti Presidente ti FAs a tumulongda a mangilista kadagiti pudpudno nga agmulmula ti nateng a kalugaranda tapno maisagana ti masterlist a kalkalikaguman iti paggapuan ti inputs para iti off-season vegetable production.
5. Panangilistada dagiti kangrunaan a kasapulan dagiti mannalon tapno mairaman a mapagsasaritaan iti maangay a Municipal Development Council Meeting (MDC) inton Hunio 5, 2017.
Naballigi pay a napagpapatangan dagiti dadduma nga Agenda ken pakaseknan dagiti mannalon iti pannakaitultuloy ti mitingda agingga a na-adjourn iti 11:45 A.M. # (Web In-Action)
No comments:
Post a Comment