Cabugao, Ilocos Sur – Dagiti kameng ti Municipal Disaster Risk Reduction Management Council (MDRRMC)/Cabugao Rescue ket nakikaysa iti Bureau of Fire Protection-Cabugao Personnel a nangaramid iti earthquake drill sadiay Sisim National High School, Barangay Sisim, Cabugao, Ilocos Sur idi Hulio 3, 2017.
Babaen iti uni ti alarma, dagiti estudiante ken agad-adal iti Sisim National High School ket naikkanda iti pammilin a rummuarda kadagiti kuartoda ket simmaruno a nagtignay dagiti kameng ti search and rescue personnel operation team a buklen dagiti kameng ti BFP ken Cabugao Rescue nga idauluan ni LDRRMC Officer Engr. Nestor B. Somera a nagturong kadagiti kuarto a pangkitaanda kadagiti nagakem a biktima iti ginggined.
Tinulongan dagiti kameng ti Bureau of Fire Protection (BFP)-Cabugao dagiti Rescuers ken kasta metten a tinaming dagiti kameng ti Medics nga ibagian dagiti Personnel iti RHU-Cabugao dagiti natakuatan/nairuar a biktima ket naipanda iti Stage Area ken iti Incident Command Post. Napakatan iti First Aid dagiti biktima a kas koma iti nadidigra iti leg injury; eye injury; unconscious and shallow breathing; wound arm; ken fractured leg.
Maibasar iti Memorandum No. 76, Series 2017 ti Department of Education (DepED) daytoy a panagtungpal a panangaramid iti 2017 2nd Quarter Nationwide Simultaneous Earthquake Drill (NSED) a pakairamanan dagiti pageskuelaan iti intero a pagilian.
Naballigi ken natunos dagiti estudiante ken agad-adal agraman dagiti mangisursuro kadaytoy a pageskuelaan a nakikaysa kadagiti nangipatungpal iti earthquake drill a naggapu iti Munisipio ti Cabugao. # (Web In-Action)
No comments:
Post a Comment