Cabugao, Ilocos Sur – Naangay ti Pay-out wenno pannakaited ti Social Pension ti 517 a bilang ti baro a Beneficiaries (babbaket ken lallakay) ken kameng ti Senior Citizens ti ili a Cabugao ket inawatda ti mabatayanda a gatad (Hulio-Disiembre 2017) manipud iti DSWD ken ti LGU-Cabugao. Naangay ti Pay-out iti Cabugao Cultural and Sports Complex, Barangay Rizal, Cabugao, Ilocos Sur idi Marso 19, 2018. Dagiti nag-pension a nataengan ket naggapuda kadagiti nadumaduma a barangay ti ili a Cabugao.
P500 ti kada bulan ti naituding nga awaten ti maysa a Beneficiary ket innem a bulan ti inawatda a kaibatogan ti P3,000 ti tunggal maysa.
Indauluan ni Mrs. Lydia S. Gazmen, Municipal Social Welfare Development Officer dagiti kakaduana a nangtarabay kadagiti Pay-out Team ken kadagiti nataengan nga immay nangala ti pensionda ditoy Complex. # (Web In-Action)
No comments:
Post a Comment