Cabugao, Ilocos Sur – Naangay ti pakontes iti Drawing, Poster Making, Essay Writing iti Bureau of Fire Protection (BFP) ti Munisipio ti Cabugao a kas highlight ti panangselebrarda iti “Fire Prevention Month” iti bulan ti Marso 2018 babaen iti Tema: “Ligtas na Pilipinas ang Ating Hangad, Pag-iingat sa Sunog ay sa Sarili Ipatupa”. Daytoy a pakontes ket nagpartisiparan dagiti ubbing nga agad-adal iti eskuela-elementaria ken high school iti ili ti Cabugao ket naangay idi Marso 2, 2018 iti BFP Compound, Brgy. Rizal, Cabugao, Ilocos Sur.
Dagiti sumaganad ti nangabak:
DRAWING CONTEST:
Imee Concepcion S. Pai ti Cabugao North Central School
POSTER MAKING CONTEST:
Kristine Joyce Lopez, Grade 10, Pug-os National High School.
ESSAY WRITING CONTEST:
Louie C. Villegas, Grade 10, Pug-os National High School.
Impeksa ni Municipal Fire Marshal S/INSP Cesar M. Ragasa iti naan-anay a panagyamanda iti agtultuloy a suporta ti LGU-Cabugao nga idauluan ni Mayor Josh Edward S. Cobangbang kadagiti igannuat ti BFP a programa ken aktibidades iti fire prevention.
Nagpaay a Board of Judges da Municipal Information and Tourism Officer Dario Roy Siruno; SB Secretary Maxfel S. Suboc ken ni Brgy. Captain Arnold V. Yangat ti Barangay Pug-os.
Binayabay ti Fire Marshal agraman dagiti BFP Staff ken dagiti nag-Hurado dagiti nagsasalip ken isuda ti nagiyawat kadagiti premio ken sertipiko kadagiti nangabak a Contestant.
Naipaayan met iti Token of Appreciation dagiti Judges ken Coaches.
Nakikaysa a nakitinnarabay dagiti Coaches a buklen dagiti mangisursuro kadagiti nagsasalip nga ubbing/agtutubo kadagiti pagadalan ditoy Cabugao. # (Web In-Action)
No comments:
Post a Comment